भांगरभूंय | प्रतिनिधी
पणजी : मुंबई उच्च न्यायालयाचे समिती कडल्यान मेळिल्ले शिफारशी प्रमाण आनी मुखेल न्यायाधीशांच्या आदेशा प्रमाण, राज्यांतल्या १९ न्यायाधीशांच्या वर्सुकी सर्वसाधारण बदल्यांची प्रस्तावीत वळेरी जारी केल्या. हातूंत ७ जिल्लो न्यायाधीश, ६ वरिश्ठ श्रेणी दिवाणी न्यायाधीश आनी ६ कनिश्ठ श्रेणी दिवाणी न्यायाधीशांचो आसपाव आसा.
आदेशा प्रमाण, संबंदीत न्यायाधीशांक ८ जून २०२६ दिसा नवे सुवातेर रुजू जावपाक सांगलां. हे विशींचो आदेश मुंबय उच्च न्यायालयाचे महानिबंधक स्वप्निल खाती हांणी जारी केला. जारी केल्ल्या आदेशा प्रमाण, सात जिल्लो न्यायाधीशांची बदली जावपाची आशिल्ली. मात; तांकां तांच्या आदले सुवातेर दवरल्यात. हातूंत जिल्लो न्यायाधीश द्विज्पल पाटकार, दुर्गा मडकयकार, शर्मिला पाटील, विजयालक्ष्मी शिवोलकार, अपूर्वा नागवेंकार, शिल्पा पंडित आनी रैना फर्नांडीस हांचो आसपाव आसा.
वरिश्ठ श्रेणी दिवाणी न्यायाधीश शाहीर इस्सानी आनी शानूर उर्फ जगदीश ऑडी हांचो मडगांव पयलोवर्ग न्यायालयांत प्रस्तावीत बदलीचो आदेश जारी केला. न्या. सुनीता गावणेकार हांचो म्हापशें पयलोवर्ग न्यायालयांत, न्या. आश्विनी खांडोळकार हांचो मेरशे पयलोवर्ग न्यायालयांत, जाल्यार न्या. मनीषा पारकार उर्फ नार्वेंकार आनी न्या. ज्यूड सिक्वेरा हांचो वास्को येथील प्रथमवर्ग न्यायालयांत प्रस्तावीत बदलीचो आदेश जारी केला.
कनिश्ठ श्रेणी दिवाणी न्यायाधीश पुर्वा नायक हांची वास्कोच्या प्रथमवर्ग न्यायालयांत, न्या. पुजा देसाय हांची सत्तरी प्रथमवर्ग न्यायालयांत, न्या. अंकिता नागवेंकार हांची फोंडेंच्या प्रथमवर्ग न्यायालयांत, न्या. क्विन्सी डि’सिल्वा, स्मिता सैल हांची पेडणेंच्या पयलोवर्ग न्यायालयांत, जाल्यार न्या. शबनम नागवेंकार हांची काणकोणच्या पयलोवर्ग न्यायालयांत प्रस्तावीत बदलीचो आदेश जारी केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
