भांगरभूंय | प्रतिनिधी
पणजी : अर्थसंकल्पी अधिवेशनाचे कामकाज थारोपा खातीर कामकाज सल्लागार समितीची बसका बुदवारा २५ फेब्रुवारीक सकाळीं ११ वराचेर जातली. विधीमंडळ फाट्याच्या गोपां कडल्यान ही म्हायती मेळ्ळी. हे बसकेक अर्थसंकल्प मांडपाची तारीख तशेंच अधिवेशनांत येवपी कामकाजाचेर चर्चा जातली.
गोंय विधानसभेचे अर्थसंकल्पी अधिवेशन ६ मार्च ते २७ मार्च मेरेन जातलें. राज्यपालांनी अधिवेशनाचें समन्स जारी केलां. विवीध खात्यांकडेन बसका घेवपा सयत मुख्यमंत्री डॉ. प्रमोद सावंत हांणी अर्थसंकल्पाची तयारी सुरू केल्या. दर दिसा येवपी लक्षवेधी सुचोवण्यो, खासगी प्रस्ताव तशेंच चर्चेक आमदारांक कितलो वेळ दिवचो, हाचेर बसकेंत चर्चा जातली. अर्थसंकल्पी अधिवेशन १४ दिसांचें आसतलें. अधिवेशन उण्या दिसांचें आशिल्ल्यान मुद्दे मांडपाक फावो ते प्रमाणात वेळ मेळचो ना, अशी टिका विरोधी पक्षाच्या आमदारांनी केल्या. अर्थसंकल्पी अधिवेशन चड दिसांचें आसता. हे खेपो तें उण्या दिसांचें जाता, अशी टिका विरोधी पक्षानी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
