भांगरभूंय | प्रतिनिधी
पणजीः राज्यांतलीं फकत ४०० भांगराचीं दुकानां बीआयएस हॉलमार्क प्रमाणीत आशिल्ल्यो भांगराच्यो आनी रुप्याच्यो वस्ती विकतात. भांगराक हॉलमार्क प्रमाणपत्र दिवपा खातीर राज्यांत ३ हॉलमार्कींग केंद्रां आसात, अशी म्हायती केंद्रीय गिरायक वेव्हार आनी नागरी पुरवण मंत्रालयान दिल्या.
देशांतल्या ३७३ जिल्ल्यांत १४ ते २४ कॅरट भांगराचे वस्तू खातीर बीआयएस कायदो २०१६ प्रमाण हॉलमार्कींगची पांच पांवड्यांनी अंमलबजावणी केल्या.
हॉलमार्कींग खातीर शेटींनी ओनलाय वचून नोंदणी करची. राष्ट्रीय सिंगल विंडो सिस्टीम वरवीं तांकां बीआयएस नोंदणी करपाक जाता आनी अर्जाची प्रक्रीया करपा खातीर कसलोच मनशाचो हस्तक्षेप जायना देखून ही पुराय प्रकीया पार्दशक आसता. एकदो अर्ज दाखल केले उपरांत कांय मर्यादीत वेळा खातीर तांकां नोंदणी प्रमाणपत्र मेळटा आनी हें ऑनलायन डावनलोड करपाक मेळटा. एकदां अर्ज दाखल केले उपरांत भांगराचो दर्जो नियाळपा खातीर हॉलमार्कींग केंद्रानीं भांगराचें विश्लेशण जाता. भांगराच्या विश्लेशणाची पुराय प्रक्रिया ऑनलयान उपलब्ध आसता.
राज्यांतल्या ४२३ शेटयांनी आपलें भांगर आनी रुपयांच्या वस्तुंचे होलमार्गींक केलां. तातुंतले ३८६ शेटी ह्यो भांगराच्यो वस्तू तयार करतात जाल्यार ३७ सोनार रुप्याच्यो वस्तू तयार करतात. ह्या भांगराच्या वस्तुंचें विश्लेशण करून हॉलमार्कींग करपा खातीर राज्यांत ३ केंद्रां आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
