भांगरभूंय | प्रतिनिधी
नवी दिल्ली, खबरां संस्था ः संसदेचें शिंयाळें अधिवेशन 4 डिसेंबर सावन सुरू जातले. हे अधिवेशनाचे फाटभुंयेर राज्यसभेच्या सभाघरांतल्या वांगड्यां खातीर जायते नवे नेम काडल्यात. ते प्रमाण आतां खंयच्याच वांगड्याक राज्यसभाच्या सभाघरांत जय हिंद, वंदे मातरम हीं उतरां उलोवपाक मेळचीं नात. तशेंच राज्यसभेचो खंयचोय खासदार 60 दीस वा ताचे परस चड काळ सभाघरांत गैरहाजीर आसल्यार ताची सुवात कायमची रितीं जातली.
राज्यसभा कार्यालयान ही नेमांची वळेरी जारी केल्या. हातूंत दोन वांगडी एकाच वेळार जाग्यावयल्यान उठून प्रस्न विचारूंक शकनात. राज्यसभेंत विचारिल्ले प्रस्न भौशीका मदीं जाहीर करचे नात. तशेंच राज्यसभा सभाघरांत खंयच्याय प्रकारचे फलक दाखोवपाचेर बंदी आसा.
राज्यसभेचे अध्यक्ष उलयता आसतना सभाघरांतल्या खंयच्याय वांगड्याक सभाघरांतल्यान भायर वचपाक बंदी आसा. राज्यसभेच्या वांगड्यांक बरयल्लीं भाशणां वाचूंक मेळचीं ना. राज्यसभेंतल्या कार्यवाही वेळार व्हिडियोग्राफीचेर बंदी घाल्या. हाचे वांगडाच पुराय संसदेच्या आवारांत धूम्रपानाचेर बंदी घाल्या.
नवें नेम
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
