भांगरभूंय | प्रतिनिधी
पणजी : राज्यपाल पी. एस. श्रीधरन पिल्लई हांणी आयज, 20 मार्चाक राजभवनांतल्या दरबार हॉलांत आयोजीत कार्यावळींत “कुंजिकलींच्या मुक्ततायेच्यो प्रतिध्वनी” ह्या पुस्तकाच्या दुसऱ्या आवृत्तीचें लोकार्पण जालें. कुंजिकलींच्या मुक्ततायेच्यो प्रतिध्वनी हे पुस्तक मूळ मल्याळम भाशेंतल्यान अनुवादींत एका दलीत महिलेच्या उठावाची रहस्यमय कथा आसा. हे पुस्तक सैमाच्या चार घटकांचो स्विकारपी आनी पुक्कैथयूरच्या पुराणीक भुंयेंत समाजीक नेमांक आव्हान दिवपी एक प्रतिश्ठींत दलीत महिला कुंजिकलीची मनमोहक काणयेचो उलगडो करता. ह्या कथेंत मोग आनी भेदभाव, बरें आनी वायट गजालीचो आसून वाचप्यांक प्रभावीत करता.
पुस्तक प्रकाशन कार्यक्रमाक गोंय विद्यापिठाचे कुलगुरू डॉ. हरिलाल बी. मेनन आनी पुस्तकाच्यो लेखिका प्रा. जयलक्ष्मी आनी प्रकाशक के पी आर नायर उपस्थित आसलें. लोकांनी ग्रामीण जीणेचेर मोग करचो. स्वातंत्र्या उपरांत महात्मा गांधीजींक तांच्या गांवांत परत वचपाचे आशिल्लें. राष्ट्रपिता महात्मा गांधी म्हणटालें, “भारत गांवांनी वसला”. भारताची खरी तांक ग्रामीण जीणेचेर आसा, अशें राज्यपाल पी. एस. श्रीधरन पिल्लई हांणी सांगलें.
दलीत महिलेच्या जीणेवयल्या ह्या भावनीक कादंबरी खातीर राज्यपालान बरोवपी आनी प्रकाशकांचे अभिनंदन केले. स्तकाच्यो लेखिका जयलक्ष्मी हांणी आपल्या उलोवपांत अनुवादीत पुस्तकाविशीं म्हायती करून दिली आनी श्री पी. एस. श्रीधरन पिल्लई हांच्या साहित्यीक आनी समाजीक कार्याची तोखणाय केली. सुरवातेक के पी आर नायर हांणी मानेस्तांक येवकार दिलो. आर. मिहिर वर्धन आयएएस (निवृत्त) हांणीय ह्या वेळार आपले विचार मांडले. पुस्तक प्रकाशन कार्यावळींच राज्यपालाचे सचीव एम आर एम राव, आयएएस हेवूय उपस्थित आसलें. दना रमण हांणी पुस्तकांतलो एक उतारो वाचलो. मेघा मुखर्जी हांणी कार्यावळीचें सुत्रसंचालन केलें आनी निमाणे उपकार मानलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
