भांगरभूंय | प्रतिनिधी
पणजी : राज्यपाल पी एस श्रीधरन पिल्लई हांणी जी 20 परिशदेच्या प्रतिनिधी मंडळा कडेन बसका घेतली. जी 20 परिशदेचे समन्वय अधिकारी संजीत रॉड्रिगीश हांणी बसकांची म्हायती दिली. राज भवनान सुरू केल्ल्या उपक्रमांची म्हायती राज्यपालांनी प्रतिनिधींक दिली.
जी 20 बसकेचे समन्वयक हर्षवर्धन शृंगला, एल रमेश बाबू, कर्नल विवेक आर्या, लॉजिस्टीक सल्लागार अशोक कुमार शर्मा, पर्यटन मंत्रालयाचे सचीव जसविंदर सिंग, संचालक राधा कट्याल नारंग, डी. वेंकटेशन, आर. के. धवन, धिरज वागळे हाजीर आशिल्ले.
भारत हो पुराय संवसारांत सैमीक तशेंच सांस्कृतीक दायजा खातीर फामाद आसा. गोंय हें सैमिक नदरेन संपन्न राज्य आसा. गोंय हें पर्यटन थळ आसा. पर्यटनाक लागून संवसारांतले लोक गोंयाक भेटी दितात. राज्याचे पर्यटन व्हड प्रमाणांत वाडप शक्य आसा. राज्यपाल पदाचो ताबो घेतले उपरांत गोंयच्या सगल्या म्हालांक हांवे भेटी दिल्यात. खूबशा लोकांच्यो भेटी हांवें घेतल्यात. गोंय हें देशाच्या समृद्धतायेंत भर घालता. संस्कृती, शिक्षण, पर्यटन, इतिहास, संशोधन, भलायकी, तंत्रज्ञान, उद्देग ह्या सगल्या मळांचेर गोंयची उदरगत नेटान सुरू आसा. पर्यावरण आनी संस्कृती हांचो संबंद कळपा खातीर हांवें दायज यात्रा केल्ल्याचें राज्यपालांनी सांगलें.
राज्यपालांचे सचीव एम. आर. एम. राव हे हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
