भांगरभूंय | प्रतिनिधी
पणजी ः फोंडेंच्या राजीव गांधी कला मंदीर आयोजीत 17 वी अखिल गोंय बायलां फुगडी सर्तीची पयली फेरी 6 ते 12 ऑक्टोबराक घेतले. पयले फेरयेतल्यान वेंचिल्ल्या पंगडाची निमाणी फेरी 12 ऑक्टोबराक जातली.
फुगडी सर्तींत गोंयच्या खंयच्याय बायलां पंगडाक प्रवेश अर्ज भरून हे सर्तींत वांटो घेवपाक मेळटलो. पयले फेरींत पयलो येवप्याक पयलो प्रवेश दितले. पयल्या 120 पंगडांक प्रवेश दितले. ता. 15 सप्टेंबर मेरेन हे सर्ती खातीर अर्ज राजीव गांधी कला मंदीर, फोंडें हांगा उपलब्ध आसतले. 15 सप्टेंबराक सांजेवेळार 4 वरां मेरेन अर्ज स्विकारतले.
सर्तीच्या निमाणे फेरयेंत जिखपी पंगडाक 40 हजार रुपया आनी घोळटो करंड , उपविजेत्या पंगडाक 35 हजार रुपया, तिसरे येवपी पंगडाक 30 हजार रुपया इनामा आसा. तशेंच उमेद वाडोवपी पयलें इनाम 15 हजार रुपया. दुसरें 12 हजार रुपया आनी तिसरें 10 हजार रुपया आसा. ते भायर उत्कृश्ट गायन पंगड पयलें 5 हजार रुपया, दुसरें 3 हजार रुपया आनी तिसरें 2 हजार रुपया अशें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
