भांगरभूंय | प्रतिनिधी
मोदी मंत्रीमंडळान 4 वर्सां पोरण्यां प्रकल्पाक दिली मान्यताय
नवी दिल्ली, खबरां संस्था ः चीना लागसार ईस्टर्न फ्रंटाचेर मुळावी बांदावळ घटमूट करतना मोदी सरकार वेस्टर्न फ्रंटय घटमूट करपाक व्यस्त आसा. पाकिस्तानी शिमेचेर तारांचे वंये लागसार आनी ताका जोडपा खातीर लिंक रस्त्यांचें जाळें घालां. राजस्थान आनी पंजाब लागसारच्या शिमेवयल्या वाठारांनी 2,280 किमीचे रस्ते बांदपा खातीर 4406 कोटी रुपया खर्च येतलो.
प्रधानमंत्री नरेंद्र मोदी हांचे अध्यक्षते खाला केंद्रीय मंत्रीमंडळान ताका मान्यताय दिली. केंद्रीय भौशीक बांदकाम खात्यान 2021 वर्सा रस्त्याचें जाळें घालपा खातीर हो प्रकल्प नियोजीत केल्लो. उपरांत गृह मंत्रालयान ताका मान्यताय दिली.
राजस्थान-पंजाबा लागसार 1590 किमी परस चड रस्ते
सद्या वंयेंचे कुशीकचे रस्ते सारकें नात. ताचें काँक्रिटीकरण जातलें. हाका लागून जड वाहनांक यो-वच करप आनी शिमेचेर गस्त घालप सोंपें जातलें. सीपीडब्ल्यूडीन राजस्थान आनी पंजाबांत सुमार 2000 किमीचे रस्ते बांदपाची येवजण आंखल्या. वंयेच्या आदारान दोनूय राज्यां मदीं 1590 किमी लांबायचे रस्ते बादतलें. तातूंतले राजस्थान शिमेचेर 1,037 किमी लांब सिंगल लेन रस्ते आनी पंजाब शिमेचेर 553 किमी लांब सिंगल लेन रस्ते बांदतले. हाचे आंदी राज्य सरकारान गुजरात शिमेचेर 200 किमी परस चड लांब रस्तो बांदला.
भारतमाला आनी एक्सप्रेस म्हामार्ग जोडपा खातीर बॉर्डर रोड ऑर्गनायझेशनान (बीआरओ) शीमेलागसार 5 वर्सां भितर 877.442 किमी लांब एकेरी रस्ते बांदतले. हे रस्ते भारत-पाकिस्तान शिमे लागसार बांदपी नव्या रस्त्यां कडेन थेट जोडटले. ह्या रस्त्यांक लागून बीएसएफ आनी लश्कर तशेंच शिमे लागसार रावपी लोकांक प्रवास करप सोंपें जातलें. हाचे भायर आपत्कालीन वेळार लेगीत रस्ते उपेगी पडटले अशी वेवस्था करपाची येवजण केंद्र सरकार आंखता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
