भांगरभूंय | प्रतिनिधी
अकलेरा, खबरां संस्था: राजस्थानांतल्या झालावाड वाठारांत शाळेची इमारत कोसळून 5 भुरग्यांक मरण आयलें. ह्या अपघातांत 30 परस चड भुरगीं गंभीर जखमी जालीं. शुक्रारा सकाळीं मनोहरथाना ब्लॉकांतले पीपलोदी सरकारी शाळेंत हो अपघात जालो.
शिक्षक आनी ग्रामस्थांचे मजतीन भुरग्यांक भायर काडलीं. मनोहरथाना हॉस्पिटलाचे डॉ. कौशल लोढा हांणी, 35 जखमी भुरग्यांक हॉस्पिटलांत हाडल्यांत. हातुंतल्या 11 गंभीर जखमींक जिल्लो हॉस्पिटलांत धाडल्यांत.
चवकशी करतले: शिक्षण मंत्री
राजस्थानाचे शिक्षण मंत्री मदन दिलावर हांणी अपघाता विशीं दुख्ख उक्तायलां. तांणी सांगलें, ह्या प्रकरणाची चवकशी करतले. सगल्यांचेर सरकारी खर्चान उपचार जातले. सगल्या वरीश्ठ अधिकार्यांक घडणुके सुवातेर धाडल्यात.
भुरग्यांक राशी पोंदच्यान काडलीं भायर
सकाळच्या सुमार 8 वरांचेर हो अपघात जालो. इमारत कोसळ्ळी तेन्ना स्फोट जाल्लेवरीं आवाज आयिल्ल्याचें थळाव्यांनी सांगलें. सुमार एका वराच्या रेस्न्यु ऑपरेशना उपरांत सगल्या भुरग्यांक राशी पोंदच्यान भायर काडलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
