भांगरभूंय | प्रतिनिधी
करौली, खबरां संस्था : दिसान दीस रस्तो अपघातांत मरण येवप्यांचो आंकडो वाडतूच आसा. हातलें कांय अपघात खूब भिरांकूळ आसतात. राजस्थानांत करौली हांगा असोच एक अपघात जालो. वाहनांची अवस्था पळोवनूच लोकांक धपको बसलो. ह्या भिरांकूळ अपघातांत वट्ट ९ जाणांक मरण आयलें.
सोमारा सांजेवेळार करौली- मंदरायल रस्त्यार ओल्तार ट्रक आनी बोलेरो कार हांचे मदीं जाल्ल्या ह्या अपघातांत ९ जाणांक जाग्यारुच मरण आयलें. मरण आयिल्ल्यां मदीं स बायलो, दोन भुरगीं आनी एका दादल्याचो आसपाव आसा. मरण आयिल्लीं सगळीं श्योपूर हांगाचीं. कैलादेवी हांगच्यान गाडयेची पुजा करून तीं गांवांत परततना हो अपघात घडलो. अपघातांत ९ जाणांक मरण अयलें, जाल्यार चार जाणां गंभीर जखमी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
