भांगरभूंय | प्रतिनिधी
पणजीः श्रीनिवास सिनाई धेंपो कॉलेजींत एमकॉमच्या निमाण्या वर्सांत शिकपी राजश्री पेडनेकार हिणें 2025-26 इंटर कॉलेज पॉवरलिफ्टिंग चॅम्पियनशिपांत इतिहास रचलो.
तिणें इंटर कॉलेज पॉवरलिफ्टिंग चॅम्पियनशिपांत 57 किल गटांत भांगरा पदक जिखले. तशेंच स्क्वॉट्स, बेंच प्रेस आनी डेडलिफ्ट ह्या तीन प्रकारांत वट्ट 307 किल वजन उखलून नवो विक्रम केलो.
गोंय विद्यापिठान आयोजीत केल्ले आंतर महाविद्यालयीन सर्तींत तिणें हे जैत मेळयलें. आठ वेगवेगळ्या वजन गटांत गोंयच्या वेगवेगळ्या म्हाविद्यालयांतल्या 98 सहभागी बायलां मदीं तिका ‘गोंय विद्यापिठाची सगळ्यांत बळिश्ट बायल’ म्हूण जाहीर केली.
धेंपो महाविद्यालयाचे अध्यक्ष श्रीनिवास आनी पल्लवी धेंपे, राजेश भाटीकार, प्रो. (डॉ.) मनोज कामत हांणी राजश्री पेडणेकाराक परबीं दिलीं आनी तिच्या शिक्षणीक आनी खेळां कारकिर्दी खातीर तिका म्हाविद्यालयाचो पुराय सहकार्य आनी मजत मेळटली अशें आश्वासन दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
