भांगरभूंय | प्रतिनिधी
भांगरभूंय । प्रतिनिधी
म्हापशेंः पर्वरीच्या प्रबोधन शिक्षण सोसायटीचो संस्थापक वांगडी तशेंच विद्या प्रबोधिनीचो आदलो मुख्याध्यापक राजकुमार देसाय हाका मंगळारा फांतोडेर उण्या तेपाच्या दुयेंसाक लागून मरण आयलें. सान्तइनेज- पणजे हांगचे मसंडभुंयेंत ताचें कुडीचेर निमणे संस्कार जाले. तांच्या फाटल्यान घरकान्न विश्रांती देसाय (पेन्ह द फ्रान्स पंचायतीची पंच वांगडी आनी आदली सरपंच) पूत अखिलेस आनी चली अखिला असो घराबो आसा.
समाज वावुरपी आनी भाजपाचो खेडगांठ कार्यकर्तो अशी देसाय हांची वळख आशिल्ली. गोंय सहकार भारती संस्थेचो अध्यक्ष, गोंय विकास मंडळाचो अध्यक्ष, गोंय राज्य सहकारी बँकेचो अध्यक्ष, विद्या प्रबोधिनी हायस्कुलाचो मुख्याध्यापक, पर्वरी भाजपा मंडळाचो उपाध्यक्ष अश्या म्हत्वाच्या पदांचेर राजकुमार देसाय हांणी काम केल्लें.
मुख्यमंत्री डॉ प्रमोद सावंत, पर्यटन मंत्री रोहन खवंटे, भाजपा प्रदेशाध्यक्ष सदानंद शेट तानावडे, आमदार, प्रबोधन म्हाविद्यालयाचो प्राचार्य डॉ भूषण भावे, विद्या प्रबोधन शिक्षण सोसायटीचो अध्यक्ष संजय वालावलकार, भाजपा पदाथिकारी आनी लोकांनी राजकुमार हांचे निमणे दर्शन घेतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
