भांगरभूंय | प्रतिनिधी
फाटल्या जायत्या वर्सां सावन नेपाळांतले सगले राजकी फुडारी भ्रश्टाचारांत घुस्पल्ले. ताका लागून थंयची अर्थवेवस्था कोसळिल्ली आनी खूबश्यो नव्यो समस्या निर्माण जाताल्यो. नेपाळांत भ्रश्टाचार वाडिल्ल्यान थंय बेरोजगारी, म्हारगाय, शेतकारांच्यो समस्या, शिक्षणीक समस्या अशा खूबशा समस्यांक थंयच्या नागरिकांक आनी तरणाट्यांक सामकार वच्चें पडटालें. हे घडणुकेक बेजारून तांणी खर आंदोलनाचो पवित्रो घेतलो आनी थंयचो भ्रश्ट कारभार आनी घराणेशाय पळोवन तरणाट्यां मदीं आक्रोशाच्या उज्यान पेट घेतलो. 9 सप्टेंबर 2025 दिसा पुराय नेपाळ पेटून उठलें आनी बंड करून भ्रश्टाचार मुळा सावन सोंपोवपाचो निर्णय घेतलो. आतां प्रस्न निर्माण जाता की भारतांतले 95 टक्के भ्रश्ट मंत्री, लोकप्रतिनिधी, आपघोशीत समाजसेवक, राजकी फुडारी अशा गंभीर गुन्यांवां सारक्या आरोपांचो आस्पाव आशिल्ल्या खूबशा गुन्यांवकारांक सरकार खर ख्यास्तीच्या माध्यमांतल्यान फांशीचे ख्यास्तीची तरतूद करतलें? कारण देशांतल्या भ्रश्ट राजकी फुडाऱ्यांनी देशाक पोखरून उडयला. ते खातीर कायद्याच्या माध्यमांतल्यान तांकां फांसार चडयतले? असो प्रस्न नेपाळची परिस्थिती पळोवन भारतांत उपस्थीत जाता.
कारण आतंकवादी, खुनी, ड्रग माफीया, बलात्कार ह्या गुन्यांवां परस सगल्यांत व्हड गुन्यांव म्हणल्यार भ्रश्टाचार करप. सगल्याच गुन्यांवांची सुरवात भ्रश्टाचारांतल्यान जाता. भ्रश्टाचाराक लागून पुराय देश पोखरून वता आनी सर्वसामान्यांक खूबशा गंभीर समस्यांक सामकार वच्चें पडटा. देशांतले 95 टक्के भ्रश्ट आदले, सद्याचे राजकी फुडारी आपली कोट्यांनी रुपयांची संपत्ती विदेशांत गुंतवणूक करून दवरतात आनी आपल्या कुटुंबांतल्या भुरग्यांचें शिक्षण विदेशांत करतात. आतां राजकी फुडाऱ्यांनी नेपाळची घडणूक पळयत जाल्यार आपल्या भुरग्यांक विदेशांत शिकयनासतना देशांत शिकोवपाचो संकल्प करूंक जाय. नाजाल्यार नेपाळांतल्या राजकी फुडाऱ्यां भशेन हाल देशांतल्या भ्रश्ट राजकी फुडाऱ्यांचें जावंक शकतात हेंवूय न्हयकारूं येना.
देशांत जर 47 टक्के खांपे गुन्यांवकार मंत्री जातूंत खून, अपहरण आनी बायलां आडच्या गुन्यांवां सारक्या गंभीर आरोपांचो आस्पाव आसत जाल्यार सर्वसामान्यांनी कितें करचें? सर्वसामान्यांक कोण न्याय दितलो? कारण आयज राजकी फुडारी गुन्यांवकार आसून लेगीत मंत्रीपदार वा लोकप्रतिनिधी पदार व्हडा झेतान आसात. ही सामकी लजेक हाडपी गजाल आसा. मंत्री आनी लोकप्रतिनिधी कोट्यांनी लोकांक आपलें गिन्यान सांगतात आनी स्वता मात गुन्यांवांनी मोडटात आनी सर्वसामान्य लोकांचें रगत पितात ही जाल्यार लोकशायेक काळें खत लावपी गजाल आसा.
देशांतल्या सुमार 47 टक्के (302) मंत्र्यांचेर गुन्यांवांचीं प्रकरणां दाखल आसून, हातूंत खून, अपहरण, बायलां आडचे गुन्यांव आनी हेर गंभीर गुन्यांवां सारक्या गंभीर आरोपांचो आस्पाव आसा. अशें वेंचणूक हक्क संस्था असोसिएशन फॉर डेमोक्रॅटीक रिफॉम्स (एडीआर)च्या विश्लेशणांतल्यान मुखार आयलां. आयज देशांत कोणूय गिरेस्त जर आसत जाल्यार तो फक्त राजकी फुडारी. (एडीआय) च्या विश्लेशणा मजगतीं, अशेंय लक्षांत आयलें की देशांतल्या मंत्र्यांच्या सरासरी मालमत्तेचो विचार करीत जाल्यार दरेकां कडेन उण्यांत उणी सरासरी मालमत्ता 37 कोटी आशिल्ल्याचें विश्लेशणा वेळार सांगलें. देशांतल्या मंत्र्यां कडेन 23,929 कोटींची मालमत्ता आशिल्ल्याचें सांगतात. ही गजाल फक्त विश्लेशणांतली आसा. हाचे परसूय चड मालमत्ता मंत्र्यां कडेन आनी राजकी फुडाऱ्यां कडेन आसूंक शकता हेंवूय न्हयकारूं येना. म्हणल्यार आयज आडमार्गान पयसो जोडप आनी गुन्यांवांचें जाळें निर्माण करप राजकी फुडाऱ्यांचो वेवसाय जाल्ल्याचें दिसून येता. एडीआरान 27 रज्य विधानसभा, तीन केंद्रशासीत प्रदेश आनी केंद्रीय मंत्रीमंडळांतले मंत्री अशा 643 मंत्र्यांच्या प्रतिज्ञापत्रांचो अभ्यास केला. तातूंत 302 मंत्र्यांचेर (47 टक्के) गुन्यांवांचे खटले दाखल आसात. तातूंत 174 मंत्र्यांचेर गंभीर गुन्यांव दाखल आसात. तरी लेगीत स्वताक लोकप्रतिनिधी म्हणटात ही कसली लोकशाय म्हणप? केंद्र सरकाराचो विचार करीत जाल्यार केंद्रांतल्या 72 मंत्र्यां पैकीं 29 (40 टक्के) मंत्र्यांचेर गुन्यांवांचे खटले दाखल आसात. तातूंत 19 मंत्र्यांचेर गंभीर गुन्यांव दाखल केल्यात कितली गंभीर गजाल म्हणची.
देशांतल्या राज्यां मदीं आंध्र प्रदेश, कर्नाटक, तामिळनाडू, बिहार, ओडिशा, महाराष्ट्र, पंजाब, तेलंगणा, हिमाचल प्रदेश, दिल्ली, आनी पुदुचेरी ह्या विधानसभांनी 60 टक्क्यां परस चड मंत्र्यांचेर गुन्यांवांचे खटले आसात आनी जंय गुन्यांव आयलो थंय भ्रश्टाचार 100 टक्के आसताच. ताका लागून आतां भारत भ्रश्टाचारमुक्त करपाची गरज आसा. हे खातीर राजकी फुडाऱ्यांक खर ख्यास्ती खाला फांशीचे ख्यास्तीचे तरतूद करप गरजेची आसा. कारण भ्रश्टाचारांतल्यान गुन्यांवांची उत्पत्ती जाता. हाका जर मुळा सावन हुमटावन उडोवपाचें आसत जाल्यार पयलीं खर कारवाय राजकी फुडाऱ्यांचेर जावप गरजेची आसा. कारण देशांतल्या भ्रश्ट आनी गुन्यांवांनी आस्पावीत आशिल्ल्या राजकी फुडाऱ्यांनी देशाक सुमार 10 वर्सा फाटीं व्हेला. आयजूय देशांतले खूबशे सद्याच्या, आदल्या राजकी फुडाऱ्यांचीं भुरगीं विदेशांत शिक्षण घेतात आनी देशांतलें शिक्षण म्हारग जालां, म्हारगाय वाडत आसा, शेतकार आत्महत्या करीत आसात, बेरोजगारी वाडत आसा हाचेरूय सरकारान लगाम दवरूंक जाय. ह्या पुराय गजालींचेर सरकारान गंभीरतायेन विचार करपाची गरज आसा. ताका लागून ह्या लेखाच्या माध्यमांतल्यान मानेस्तांक नमळायेची विनंती की, महामहीम राष्ट्रपती, उपराष्ट्रपती, सर्वोच्च न्यायालय, प्रधानमंत्री, लोकसभा अध्यक्ष आनी सरकार हांणी गंभीरतायेन लक्ष दिवन राजकी वर्तुळांतले गुन्यांव आनी भ्रश्टाचार खर ख्यास्तीच्या माध्यमांतल्यान सोंपूंक जाय. जय हिंद.
रमेश लांजेवार
9921690779
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
