भांगरभूंय | प्रतिनिधी
भांगरभूंय । प्रतिनिधी
म्हापशेंः बस्तोडेंच्या रस्त्याच्या दोनूय वटेन वाहना पार्क करून दवोरतात ताचेर आयतारा जाल्ले बस्तोड्याचे ग्रामसभेंत चर्चा जाली. लोक वाहना घेतात मात तीं दवोरपाक सुवात नाशिल्ल्यान रस्त्याचेर पार्क करतात अशी कागाळ कांय लोकांनी केली. ह्या वाहनांक लागून येरादारीकआडमेळे येतात. ताचेर कारवाय करपाची मागणी लोकांनी केली.
सरपंच अँजेला मार्टिन्स हिचे येजमानके खाला जाल्ले ग्रामसभेंत थळाव्या लोकांनी रस्त्यार पार्क केल्ल्या वाहनांक लागून गैरसोय जातां हें पंचायत मंडळाचे नदरेक हाडून दिलें. दुसऱ्याक जाता ते गैरसोयी कडेन आडनदर करून लोक आपली वाहनां रस्यार उबीं करून दवोरतात, एका फाटल्यान पांच, स वाहना उबी करून दवोरतात अशी कागाळ कांय लोकांनी केली. कांय वाठारांतले रस्ते नो पार्किंग झोन म्हणून जाहीर करपाचो थाराव मानून घेतिल्लो. ताची कार्यवाही करपाची मागणी लोकांनी केली.
ज्या रस्त्यांनी वाहना पार्क करून दवोरतात ताची पळोवणी करून कारवाय करपा खातीर येरादारी पुलिसांक अहवाल धाडपाचें आस्वासन पंचायत मंडळान कागाळ करपी लोकांक दिलें. पंचायत वाठारांतल्या कोयराच्या प्रस्नाचेर ग्रामसभेंत भासाभास जाली. लोक रस्त्याचे कडेक कोयर वडयतात. पंचायत मंडळान हाचे आड कारवाक करतना कोयर मेळत थंय वडोवचो न्हय म्हणून लोक जाग्रुती करपाची सूचोवणी ग्राामस्थांनी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
