भांगरभूंय | प्रतिनिधी
मुंबय, खबरां संस्था: ‘वाघ बकरी’ च्याचे संचालक आनी धनी पराग देसाय (४९) हांकां काल मरण आयलें. ब्रेन हॅमरेज जाले उपरांत तांकां हॉस्पिटलांत दाखल केल्ले. ते फाटल्या कांय दिसां सावन व्हेंटिलेराचेर आशिल्ले. आयतारा रातचें तांकां मरण आयलें.
फाटल्या सप्तकांत मॉर्नींग वॉक खातीर गेल्ले कडेन तांचेर एका रस्ताद सुण्यान हल्लो केल्लो. स्वताक त्या सुण्याचे तावडेंतल्यान वाटयतना ते घरा मुखार पांय निसरून पडले. उपरांत तांचे तकलेक मार बशिल्लो. हॉस्पिटलांत दाखल केल्या उपरांत ब्रेन हॅमरेज जाल्ल्याचें सांगलें. तांची भलायकी सुदारूंक नाशिल्ल्यान तांकां व्हेंटिलेटराचेर दवरिल्ले.
कुटुंबियांनी सांगिल्ले प्रमाण पराग हांचेर फाटल्या एक म्हयन्या सावन हॉस्पिटलांत उपचार चलताले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
