भांगरभूंय | प्रतिनिधी
पंजाब- हरियाणा उच्च न्यायालयाचो सरकारांक आदेश
पंजाब, खबरां संस्था ः गोंय सयत देशभरांत रस्ताद सुण्यांचो आनी गोरवांचो प्रस्न गंभीर आसा. ही सुणी वा गोरवां चलत वयपी मनशांचेर वा गाडी चलोवप्यांचेर अचकीत हल्लो करतात आनी तांका चाबतात. तर अशा सुण्यांक कशें आडावप हो एक कठीण प्रस्न निर्माण जाला. हे संबंदी पंजाब- हरियाणा उच्च न्यायालयांत 193 याचिका दाखल जाल्ल्यो. हाचेर सामुहीक निर्णय दिवन न्यायाधीश विनोद एस. भारद्वाजाच्या खंडपिठान सगळ्या याचिका निकालांत काडल्यात.
उच्च न्यायालयान पंजाब, चंदीगढ आणि हरियाणा सरकारांक रस्ताद सुण्यान चाबल्यार दर दाताच्या घाव्या फाटल्यान 10 हजार रुपया आनी मांस काडल्यार दर 2 मिलिमीटर घाव्या फाटल्यान उणेंच 20 हजार रुपया दिवपाचो आदेश दिला.
सुण्यांच्या चाबबाक लागून जखमी जाल्ल्या लोकांक पंजाब, चंडीगढ आनी हरियाणा सरकारांनी लुकसाण भरपाय दिवची असो निर्देश उच्च न्यायालयान दिला. न्यायाधीश विनोद एस. भारद्वाज हांच्या खंडपिठान हो निकाल दिला. रस्ताद आनी हेर सुण्यांक लागून रस्त्यार जावपी अपघात आनी पालिका प्रशासनान योग्य नियोजन करूंक नाशिल्ल्यान तांणी हुस्को उक्तायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
