भांगरभूंय | प्रतिनिधी
भांगरभूंय । प्रतिनिधी
वाळपयः नितळ भारत, निर्मल भारत उपक्रमा खाला सत्तरी तालुक्यांतल्या पिसुर्लें पंचायत वाठारांत नितळसाणेचें काम करपी रसिका खांडेपारकार हिका खासा पुरस्कार फावो जाला. शेनवार 4 मार्चाक नवी दिल्लींतल्या विज्ञान भवनानत जावपी कार्यावळींत राष्ट्रपती द्रोपदी मुमू हांचे हस्तुकीं तिका हो पुरस्कार भेटयतले.
ह्या पुरस्कारा खातीर गोंयच्या पंचायत खात्यान खांडेपारकाराच्या नांवांची शिफारस केल्ली. पंचायत खात्याच्या उत्तर गोंय सहाय्यस संचालक फिवोना आनी सासष्टीचो गट विकास अधिकारी निमिषा रसिकाक घेवन सद्या दिल्ली गेल्यात. सत्तरी तालुक्यांतल्या सरिकाची पुरस्कारा खातीर निवड जाल्ले खातीर सत्तरीचो बीडीओ सूर्याजीराव राणेन खोस उक्तायल्या. ह्या पुरस्काराक लागून पिसुर्ले पंचायत मंडळाची प्रतिश्ठा वाडल्या अशें पिसुर्लेचो सरपंच देवानंद परब हाणे सांगलें. रसिका खांडेपारकार प्रामाणीकपणान आपलें काम करता अशें ताणे सांगलें.
आपल्या राष्ट्रीय पांवड्या वयलो नितळसाण पुरस्कार मेळल्ले खातीर रसिका खांडेपारकारन खोस उक्तायली. पोट भरपाक म्हणून आपणे नितळसाण करपाचें काम करपाक सुरवात केल्ली. प्रामाणीकपणान केल्ल्या कामाचें म्हाका फळ मेळ्ळे. पुरस्कारा खातीर पिसुर्लें पंचायत मंडळान आपल्या नांवाची शिफारस केल्ले खातीर तिणे मंडळाचे उपकार मानल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
