भांगरभूंय | प्रतिनिधी
भांगरभूंय । प्रतिनिधी
पणजीः फाटल्या तीन वर्सांत राज्यांत 19 हजार मेट्रीक टन इतले सारे शेतकारांक फावो जाला जाल्यार तांतूतले 15 हजार मेट्रीक टन साऱ्याचो शेतकारांनी वापर केलां. पूण वखदांचो प्रश्न जेन्ना येता तेन्ना मागणी चड आनी प्रत्यक्षात वापरा खातीर कमी वखद शेतकारांक मेळटा. राज्यांत फाटल्या पाच वर्सांत 172 मेट्रीक टन वखदांची मागणी आसा आनी प्रत्यक्षात 161 मेट्रीक टन वखदां शेतकारांक वापरपाक मेळटात, अशी म्हायती केंद्रीय रसायन आनी सारे मंत्रालयान दिल्या.
लोकसभेंत लेखी प्रश्नांक जाप दितना केंद्रीय रसायन आनी सारे मंत्री जे पी नड्डा हांणी सांगले, राज्यांत फाटल्या तीन वर्साच्या काळांत रसायनीक साऱ्याच्या उपलब्धतेत आनी वापरांत वाड जायत आसा. हांतूत युरीया 6 हजार टन, डी-आमोनिय पोस्फेट (डीएपी) 1 हजार टन आनी नायट्रोजन, पोसफर्स, पोटेशीयम (नएपीकेएस) 8 हजार टन इतलो हे रसायनीक साऱ्याचो वापर जालां.
2023-24सात 8 हजार मेट्रीक टन सारें गोंयाक मेळिल्ले. तांतूतले 5 मेट्रीक टन साऱ्याचे वापर जालो. हांतूत 2 हजार टन, डीएपी 1 हजार टन, नएपीकेएस 2 हजार टन ह्या साऱ्याचे आस्पाव आसा.
2022-23सात 5 हजार टन राज्यांक सारे मेळिल्ले तांतूतले 5 हजार टन साऱ्याचो वापर राज्यांन केलां. हांतूत युरीया 2 हजार टन आनी एनपीकेएस 3 हजार टन साऱ्याचो वापर जालां.
2021-22सात 6 हजार टन सारें राज्यांक फावो जाल्लें तांतूतले 5 हजार टन साऱ्याचो वापर जालां. हांतूत युरीया 2 हजार टन आनी एनपीकेएस 3 हजार टन साऱ्याचो वापर जालां.
जाल्यार फाटल्या पाच वर्सांत रसायनीक वखदांची मागणी वाडत आसा. पूण मागणी आसा तितली पुरवण राज्यांत जायना. वर्स 2019-20 आनी 2020-21सात 31 मेट्रीक टन मागणी आसली आनी फकत 30 मेट्रीक टन वखदांची पुरवण जाली. 2022-23 सात वखदांची मागणी वाडून 36 मेट्रीक टन मेरेन पावली आनी फकत 32 मेट्रीक टन पुरवण जाली. 2022-23सात मागणेत वाड जावन 38 मेट्रीक टन मेरेन पावली पूण फकत 34 टन पुरवण जाली. 2023-24सात वखदांची मागणी 36 मेट्रीक टन मेरेन पावली आनी 35 मेट्रीक टन इतली वखदांची पुरवण जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
