भांगरभूंय | प्रतिनिधी
पणजीः अंदूंच्या पर्यटन हंगामाचें पयलें चार्टड विमान रशिया सावन मोपा मनोहर अंतरराष्ट्रीय विमानतळाचेर फाल्यां फांतोडेर देवतलें. हंगामाच्या पयल्या चार्टड विमानाक येवकारपा खातीर पर्यटन खातें सज्ज जालां, अशी म्हायती पर्यटन खात्यान दिल्या.
अंदूच्या पर्यटन हंगामाचें पयलें चार्टड विमान नोव्होसीबिर्क्स रशिया सावन मोपा मनोहर अंतरराष्ट्रीय विमानतळाचेर 2 ऑक्टोबराक बेरेस्तारा फांतोडेर 1.40 वरांचेर जातलें दाखल. ह्या विमानांतल्यान सुमार 150 पर्यटक गोंयांत येवपाची शक्यताय आसा.
एइरोफ्लॉट सु 622 ह्या नांवाचें विमान नोव्होसीबिर्क्स रशियेंतल्यान आयज रातचें 8.05 वरांचेर सुट्टलें. सुमार 7 वरांचो प्रवास करीत तें फाल्यां रातचें 1.40 वरांचेर मोपा देवतलें. ह्या विमानाची 158 प्रवाश्यांची तांक आसा.
पर्यटन खात्यान हंगामाच्या पयल्यां चार्टड विमानांतल्यान येवपी पर्यटकां खातीर मोपा विमानतळाचेर खाशेलो येवकार सुवाळो घडोवन हाडटले. ह्या सुवाळ्याक पर्यटन मंत्री रोहन खंवटे, पर्यटन संचालक केदार नायक आनी टीटीएजीचे अध्यक्ष जॅक सुखीजा हाजीर आसतले.
ते भायर 3, 4 आनी 5 आॅक्टोबराक आनीक चार चार्टड विमानां रशियेसावन गोंयांत पावतलीं. ह्या दरेका विमानांतल्यान सुमार 150-200 पर्यटक येवपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
