भांगरभूंय | प्रतिनिधी
टोकियो, खबरां संस्था: संवसारांतलो सवो व्हडलो भूंयकांप रशियेच्या उदेंत कामचटका व्दीपकल्पांत जाला. अमेरिकेच्या भूंयशास्त्रीय सर्वेक्षणान ह्या भूंयकांपाची व्याप्ती ८.८ अशें सांगलां. बुधवारा सकाळीं ४:५४ वरांचेर हो भूंयकांप आयलो.
रॉयटर्सच्या मतान, कामचटकाला ४ मिटर उंचाये मेरेनची त्सुनामी आयल्या. हाका लागून खुबश्या इमारतींचें लुकसाण जालें. USGSन सांगलें, भूंयकापाचें केंद्र जमनी पसून १९.३ किलोमीटर सकयल आशिल्लें.
कामचटकाचे राज्यपाल व्लादिमीर सोलोडोव्ह हांणी एक व्हिडिओ पोस्ट केला आनी सांगलां, आयचो भूंयकाप दसकांत सगल्यांत बळिश्ट आशिल्लो. तांणी सांगलें, एका बालवाडी शाळेचें लुकसाण जालां. जपानच्या NHK टेलिव्हिजना प्रमाण, देशाच्या पूर्व दर्यादेगे लागसारा एक फूट उंचायेचीं पयलीं ल्हारां आयलीं. जपानान २० लाख लोकांक भायर काडले आनी तांकां सुरक्षीत सुवातेर व्हेले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
