भांगरभूंय | प्रतिनिधी
हॅलिकॉप्टरांत २५ जाण आशिल्ले
कामचटका, खबरांसंस्था: रशियाचें MI-8T हॅलिकॉप्टर उड्डाणां मजगतीं बेपत्ता जालें. ताचो अपघात जाल्ल्याची शक्यताय आसा. हेलिकॉप्टर बेपत्ता जालें तेन्ना तातूंत वट्ट २२ लोक आशिल्ले आनी तीन क्रू वांगडी आशिल्ले.
इंटरफॅक्स वृत्तसंस्थेन दिल्ले म्हायती प्रमाण, रशियाच्या हवाई येरादारी एजन्सीन सांगलें, हेलिकॉप्टरान कामचटका प्रदेशांतल्या वचकाझेट्स ज्वालामुखी लागसारच्या जाग्या वेल्यान २५ किमी पयस आशिल्ल्या निकोलायव्हका हांगा उड्डाण केल्ली.
आयआरएन सुत्रांचे म्हायती प्रमाण हेलिकॉप्टर तळ्यांत पडिल्ल्याचें सांगलें. तें मॉस्को आनी सेंट पीटर्सबर्ग हांगच्या पर्यटकांक घेवन वतालें. भारतीय वेळे प्रमाण सकाळीं ९.३० वरांचेर हेलिकॉप्टर तळार परत येवपाचें आशिल्लें ते येवंकूच ना. क्रू मेंबर्स कडेन संपर्क करपाचो यत्न केलो. मात ताचो कांयच उपेग जावंक ना. बचाव कर्मचार्यांनी बेपत्ता हेलिकॉप्टरचो सोद घेवपाक सुरवात केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
