भांगरभूंय | प्रतिनिधी
सेंट पीटर्सबर्ग, खबरां संस्था: रशियेंत चार भारतीय विद्यार्थ्यांक न्हंयेंत बुडून मरण आयिल्ल्याची घडणूक उजवाडाक आयल्या. चारय विद्यार्थी भारतांतले आसून ते रशियेंतल्या यारोस्लाव-द-वाइज नॉव्हगोरोड स्टेट युनिव्हर्सिटींत वैजकी शिक्षण घेताले. सेंट पीटर्सबर्ग लागसारचे न्हंयचे देगेर सांजवेळा भोंवपाक गेल्ले कडेन आपले इश्टिणीक वाटयतना ४ भारतीय विद्यार्थ्यांक बुडून मरण आयलें.
खबरां प्रमाण, एकली न्हंयेंत देंविल्ली. पूण ती बुडपाक लागली म्हणून तिका मजत करपाक गेल्ले विद्यार्थीय बुडले. तातूंतल्या एकल्याची कूड मेळ्ळ्या आनी उरिल्ल्या तिगांचो सोद सुरू आसा. मजगतीं, हे सगळे विद्यार्थी महाराष्ट्रांतल्या जळगांव जिल्ह्यांतले आसात अशी म्हायती मेळ्ळ्या.
मजगतीं, ह्या विद्यार्थ्यांच्यो कुडी बेगीनांत बेगीन भारतांत हाडटले. जळगांवचे अधिकारी रशियेंतल्या थळाव्या प्रशासना कडेन संपर्क सादतात. भारतीय दूतावासांतल्यान रशियन अधिकार्यां कडेन चर्चा सुरू आसा अशीय म्हायती मेळ्ळ्या. हे घडणुकेंत एक विद्यार्थीनीय न्हंयेंत पडिल्ली. पूण तिका वांटयल्या आनी तिचेर उपचार सुरू आसात.
हर्षल देसले, जिशान पिंजारी, जिया पिंजारी अशीं हे घडणुकेंत मरण आयिल्ल्यांचीं नांवां जावन आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
