भांगरभूंय | प्रतिनिधी
न्यूयॉर्क : युक्रेनचे अध्यक्ष व्लादिमीर झेलेन्स्की हांणी रशिया कडेन आजूनय वेपार आनी वेव्हार करपी देशांचेर शुल्क (टॅरिफ) लावपाची गरज आसा आनी ही योग्य कल्पना आशिल्ल्याचें तांणी सांगलें. युक्रेनचेर सुरू आशिल्ल्या झुजाचे फाटभूंयेर तांणी ही भुमिका मांडली.
झेलेन्स्की हांकां प्रधानमंत्री नरेंद्र मोदी, रशियाचे अध्यक्ष व्लादिमीर पुतीन आनी चीनचे अध्यक्ष शी जिनपिंग हांचे शांघाय को-ऑपरेशन ऑर्गनायझेशन (एससीओ) शिखर परिशदेंतले एकठांय आशिल्ले फोटो दाखयले. हाचे आदले अमेरिकन अध्यक्ष डोनाल्ड ट्रम्प हांणी ते ‘डार्क सायडां’त गेल्ल्याचें विधान केलें. हे विशीं विचारलें तेन्ना झेलेन्स्की हांणी म्हणलें, रशिया कडेन आजूनय वेव्हार करपी देशांचेर शुल्क लावपाची कल्पना म्हाका योग्य दिसता. आमी रशिया कडल्यान ऊर्जा वा कसलेय तरेचो माल विकत घेवपाचें बंद करपाक जाय. जर आमकां रशियाक आडावपाची इत्सा आसा जाल्यार तांचे कडेन कसलेच तरेचे वेवसाय करचे न्हय.
युक्रेनाच्या अध्यक्षांचें हें विधान मोदी हांचे हालींचेच चीन भेटी उपरांत मुखार आयलां. भारत आनी चीन हे रशिया कडल्यान तेल आनी गॅस विकत घेवपी सगल्यांत व्हड देश. सेंटर फॉर रिसर्च ऑन एनर्जी अँड क्लीन एअरचे म्हायती प्रमाण, झूज सुरू जाल्ल्याक रशियान हे विक्रेंतल्यान सुमार ९८५ अब्ज अमेरिकी डॉलर्स जोडले अशेंय तांणी सांगलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
