भांगरभूंय | प्रतिनिधी
माॅस्को, खबरां संस्था ः रशियाचे अध्यक्ष व्लादिमीर पुतिन हांकां काळजाचो आताक आयिल्ल्याची खबर मेळ्ळ्या. आयतारा रातीं णवांक ते तांच्या बेडरुमांत पडिल्ले मेळ्ळे. पडचे पयलीं तांणी जेवणाच्या मेजा वयल्यो कांय वस्तू जमनीर उडयल्यो आनी त्या आवाजान सुरक्षा रक्षक धावून गेले, अशी खबर एका चॅनलान दिल्या.
मात, रशियाचे सरकारी खबरां संस्थेन तांकां कांयच जावंक ना. ती फक्त एक वावडी असो खुलासो केला. कांय म्हयन्यां पयलीं तांकां कॅन्सर जाला आनी तो निमण्या पांवड्याचेर आसा, अशी खबर आयिल्ली.
टेलिग्राम चॅनलान दिल्ले म्हायती प्रमाण, पुतीनाक काळजाचो आताक आयले उपरांत त्या वेळार ड्युटीचेर आशिल्ल्या दोतोरान तांका शुद्धीर हाडले. तांकां वेळार वैजकी मदत दिली. सुरक्षा रक्षकांक बेडरुमांतल्यान वस्तू पडिल्ल्याचो आवाज आयलो. उपरांत दोन सुरक्षा अधिकारी रोखडेंच रूमांत धांवले. ह्या वेळार पुतीन खाटी कुशीक जमनीर पडून आशिल्ले मेळ्ळे.
घडये, व्लादिमीर पुतीन जमनीर पडटना मेजाचेर आशिल्ल्यो वस्तू स्वता उडयल्यो, ताका लागून बेडरुमांतल्यान आवाज आयलो, असो अदमास आसा. उपरांत रेसिडेन्सींत ड्युटीचेर आशिल्ल्या दोतोरान रोखडेंच पुतीनाचेर उपचार केले. सध्या तांचेर अतिदक्षता विभागांत उपचार सुरू आसात, अशें सांगतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
