भांगरभूंय | प्रतिनिधी
मजान म्हयनो हो उपासाचो. जे वरवीं लोकां मदीं ईश्वराची जाणीव तयार जाता. जो व्यक्ती ’तक्वा’ मेळयता तो ताच्या निर्माणकर्त्याची जाणीव दवरता आनी ताका संतुश्ट करपाच्या हेतान जगपाचो यत्न करता.
निर्मुपी बरो आनी ताका बरेंपपणां आवडटा आशिल्ल्यान अशी व्यक्ती स्वाभाविकपणान समाजाचो नितिमान आनी बऱ्याक पडपी वांगडी जाता. हाच्या उलट, जो देवाच्या इत्सेआड वागता तो ताचो राग मेळयता आनी न्हयकारात्मक पद्दतीन वागता आनी समाजाचें लुकसाण करता.
‘तक्वा’ असलेली व्यक्ती म्हणल्यार अशा अरुंद मार्गा वयल्यान चलपी व्यक्ती सारकी आसता, जाच्या दोनूय वटेन कांट्याचीं झुडपां आसतात आनी ताचे कपडे पिंजपा पासून आपल्याक वाचोवपाचो यत्न करता. तेच प्रमाण, चुकीच्या गजालींनी भरिल्ल्या जगांत, तक्वा व्यक्तीला वायटा पासून स्वताचें रक्षण करपाक शिकयता. ईश्वर जो आपल्याक पळयता हाची जाणीव दवरून असो व्यक्ती पापां पासून आपल्याचो बचाव करता आनी ताका बळी पडना.
उपास एखाद्या व्यक्तीक इत्सांचेर नियंत्रण दवरपाक प्रशिक्षित करता. जेन्ना एखादी व्यक्ती आंदळेपणान आपल्या इत्सांचें अनुसरण करता तेन्ना तो आपल्या इत्सांचो गुलाम जाता आनी सर्वशक्तीमान ईश्वर जो मनीसजातीचो खरो मालक आसा ताच्या आज्ञेचें पालन करपाक अयशस्वी थारता. कृपाळू ईश्वरान आपल्या पैगंबरां मार्फत आनी प्रकट केल्ल्या शास्त्रां मार्फत दैवी मार्गदर्शन दिलां.
उपासा मार्फत, एक श्रद्धावान शिस्त आनी भक्ती शिकतात. फक्त खऱ्या स्वामीची सेवा करता आनी नितिमत्ते सावन पयस व्हरपी शक्ती कडल्यान सदांच पयस रावता. अल्लाह, जो आकाश, पृथ्वी आनी तांचे मदीं आशिल्ल्या सगळ्या गजालींचो निर्मातो आसा, तो आपले निर्मितीक बरो वळखता. म्हणूनच ताणें दिल्ली जिवनशैली हीच मनशाक सरळ मार्गाचेर दवरूंक शकता, हे खातीर ताणें वेगवेगळे ग्रंथ अवतरीत केले. तातूंत कुराण हो अंतिम ग्रंथ रामदान म्हयन्यांत अवतरीत जाला.
1400 वर्सां परस चड काळ, कुराण ताच्या मूळ स्वरूपांत जपून आसा. कुराण ईश्वराच्या अस्तित्वाचीं स्पश्ट चिन्हां सादर करता. ते खातीर सैमांतल्यान उदाहरणां दिवन मानवी बुद्धीक उभारणी दिता.
कुराण ईश्वराच्या एकतेचेर भर दिता. ताचे अद्वितीय गूण स्पश्ट करता. तशेंच परलोक जिवनाची खबर आनी ताचो ह्या जिणे कडेन कितें संबंद आसा हाचेर उजवाड घालता.
ह्या रामदानांत ही प्रार्थना आसा की ईश्वर आमकां उपासाचो खरो हेतू समजावन, ताचें अनुसरण करपाची सदबुद्धी दिवं आनी कुराण वाचून, समजून ताचेर अंमलबजावणी करून आपलें आनी सगळ्यांचें कल्याण करूं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
