भांगरभूंय | प्रतिनिधी
भांगरभूंय । खेळां प्रतिनिधी
मडगांवः पंजाबान रणजी क्रिकेट सर्तींतले मॅचींत गोंयांक 6 गड्यांनी हारयलें. आयताराक चार दिसांचे हे मॅचीच्या तिसऱ्या दिसा सकाळच्या सत्रांत पंजाबान जैताचे सोपस्कार पुराय केले. अंदूचे रणजी सिझनांतलो गोंयची ही दुसरी हार आसा. गोंयचो पांचवी रणजी मॅच तामिळनाडू आड पर्वरी क्रिकेट अकादमी मैदानार 2 तें 5 फेब्रुवारी मजगतीं जातलो.
जैता खातीर पंजाबाक 94 धांवड्यांची गरज आशिल्ली. 2 आवट 15 धांवड्यां वयल्यान तांणी खेळपाक सुरवात केल्या उपरांत गोंयांक पयलें येस मेळ्ळें. राहुल त्रिपाठीन मयांक मार्केडेक रनआवट केलें. ते उपरांत अनमोलप्रीत सिंगाचो हेरंब परबाच्या बॉलार दीपराज गांवकारान कॅच घेतली.
4 आवट 38 उपरांत नेहाल वढेरा (नाबाद 49) आनी प्रभसिमरन सिंग (नाबाद 19) हांणी पांचवे विकेटी खातीर 58 धांवड्यांची भागिदारी करून पंजाबाक रणजी सर्तींतलें तांचे पयलें जैत जोडून दिलें. गोंयां खातीर दर्शन मिशाळ, मोहित रेडकार आनी हेरंब परब हांणी दरेकी एक विकेट घेतली.
स्कोरः गोंय पयलो डाव 104, पंजाब पयलो डाव 190. गोंय दुसरो डाव 179. पंजाब दुसरो डाव 2 आवट 15 वयल्यान- मयांक मार्केडेय- रनआवट 8, अनमोलप्रीत सिंग- कॅ- दीपराज गोवेकार, बॉ- हेरंब परब, नेहाल वढेरा नाबाद 49, प्रभसिमरन सिंग नाबाद 19. बॉलींग- दर्शन मिशाळ 9-0-39-1, हेरंब परब- 7-0-32-1, मोहीत रेडकार- 2.3-0- 25-1
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
