भांगरभूंय | प्रतिनिधी
कुड निरोगी दवरपा खातीर कुडींतलें रगत निवळ, शुद्ध आनी बरें दवरप म्हत्वाचें. कांय सुपरफूड आसात, जे सैमीक वखद म्हणून काम करतात आनी कुडीक गरजेचें पोशक तत्व दितात. तें कुडींत निरोगी आनी निवळ रगत आनी एकंदरीत भलायकी सांबाळपाक मदत करता.
पाचव्यो भाजयो
पालका सारकिल्ल्यो पाचव्या पानांच्यो भाजयो सॅलड तयार करपाक फायदेशीर आसतात. पूण त्याच वेळार तातूंत लोखण आशिल्ल्यान कुडींतल्या रगताची उणीव पयस जाता. ह्या पाचव्या भाजयांनी जीवनसत्व के आसता, जें रगत सांठपाक दिना आनी हाडां घट दवरतात.
बेरी
रासबेरी, ब्ल्यूबेरी आनी स्ट्रॉबेरींत अँटिऑक्सिडंट्स आनी फ्लेव्होनॉइड्स आसता. जाका लागून रगतपेशींचें कार्य सुदारता, रगतदाब उणो जाता. देखून कोलेस्टेरॉल नेमान तपासप गरजेचें.
नुस्तें
सालमोन, बांगडो आनी ताल्ले हें खूब रुचीक नुस्तें. तेच बरोबर काळजाचे भलायके खातीर ते तितलेच फायदेशीर आसात. ओमेगा-3 फॅटी अॅसिड भरपूर आशिल्लें हें नुस्तें कुडींतले दाह आनी हानीकारक चरबी उणी करता. ताका लागून काळजाक संबंदीत जावपी दुयेंसांचो धोको उणो करूं येता.
सुकीं फळां आनी बियो
सुकीं फळां आनी बियो कुडीक उर्जा दिता. बदाम, चिया बियो, आनी जवस फकत नाश्त्याक बरो मानीनात तर ते पोशक पदार्थय आसात जे कुडीक उर्जा दितात. तातूंत निरोगी चरबी, तंतू आनी प्रथिनां आसतात; जीं कोलेस्टेरॉल आनी रगतांतली साकर नियंत्रीत करपाक म्हत्वाची भुमिका करतात. ते भायर सुकीं फळां आनी बियो मॅग्नेशियमाचे व्हड स्रोत ताका लागून रगतदाब नियंत्रीत करपाक मजत करता.
बीट
बीटांत नायट्रेट चड प्रमाणांत आसता; जें कुडींत भितर सरल्या उपरांत नायट्रीक ऑक्सायडांत रुपांतरीत जाता. नायट्रीक ऑक्सायड रगतपेशींक शिथिल करता आनी रगत प्रवाह सुदारुन रगतदाब उणो करता. तशेंच बीटांत फोलेट आनी बीटेन आसता, जाका लागून रगतपेशीं कडेन संबंदीत आशिल्ल्या दुयेंसांचो धोको उणो जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
