भांगरभूंय | प्रतिनिधी
भांगरभूंय। प्रतिनिधी
कोरगांवः रंगोत्सवाची संकल्पना बरी आसा. ह्या उपक्रमांतल्यान भुरग्यांच्या कला गुणांक बरो वाव मेळटा. तांचे शिक्षण लेगीत टप्प्याटप्प्यान फुडें वचपाक मजत जाता अशें संत सोयरोबनाथ आंबिये सरकारी उच्च माध्यमीक विद्यालयाची उपप्राचार्य लुसी जेम्स हिणे सांगलें. गोंय समग्र शिक्षाक ब्लॉक रिसोर्स सेंटर वतीन पेडणे तालुक्यांतल्या सव्वी तें आठवेच्या विद्यार्थ्यां खातीर रंगोत्सव कार्यावळ आयोजीत केल्ली त्या वेळार ती उलयताली.
ह्या वेळार माचयेर सर्व शिक्षा अभियनाचे उदय सावंत, परिक्षक ज्ञानेश्वर पार्सेकार, माधुरी शेटकार, परेश नायक, स्वरुपात कलगुडकार, मानसी जोशी, प्रशिधा नायक आशिल्ली. सूत्रसंचालन अमिता जाधव आनी प्रमिला केणी हाणी केले. पेडणे तालुक्यांतल्या वट्ट 20 हायस्कुलाच्या विद्यार्थ्यांनी ह्या रंगोत्सवांत वाटो घेतलो. पाठ्यपुस्तकांतल्यो कवितांचें संगीत नाचांतल्या सादरीकरण करपाची सर्त ह्या वेळार घेतिल्ली. तातूंत हरमल पंचक्रोशी हायस्कुलाक पयलें, मांद्रे हायस्कुलाक दुसरें आनी हणखण सरकारी हायस्कुलाक तिसरें इनाम फावो जालें.
सुरवेक पेडणेच्या भगवती हायस्कुलाच्या विद्यार्थ्यांनी संगीत शिक्षक राजेश पुर्खे हाच्या मार्गदर्शना खाला येवकार गीत सादर केलें. विद्यार्थ्यांनी नाच कार्यावळ सादर केली. पारंपरीक साहित्याचो वापर करून नाच सादर केले. परिक्षक म्हणून माधुरी शेटकार, ज्ञानेश्वर पार्सेकार आनी परेश नायक हांणी काम पळयलें. उदय सावंत हाणे आपले मनोगत उक्तायलें. सिद्धू काळेन उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
