भांगरभूंय | प्रतिनिधी
खेळां आनी युवा वेव्हार खात्यान आयोजीत केल्ले योग सर्तीचो निकाल जाहीर केलो. हातूंत केपें तालुको पांवड्या वयले अण्डर 14 चल्यांच्या गटांत केपेंच्या होली क्रॉस हायस्कुलाच्या पंगडान पयली सुवात मेळयली.
हे सर्तींत हे शाळेच्या अण्डर 14 चलयांनी तशेंच अण्डर 17 चल्यांच्या आनी चलयांच्या पंगडान तिसरी सुवात मेळयली.
केपें खेळां संकुलांत सर्तीचें आयोजन केल्लें. अण्डर 14 चल्यांच्या जैतिवंत पंगंडांत रेज्मन फर्नांडीस, शोलन ओलिव्हेरा, मॅकलिन लिमा, अॅम्रीस्टन डायस आनी स्विडन फर्नांडीस ह्या विद्यार्थ्यांचो आस्पाव आशिल्लो. तांकां शारिरीक शिक्षक सोनल सिमेपुरुशकाराचें मार्गदर्शन लाबलें.
अण्डर 14 चलयांच्या पंगडांत रक्षा हेगडे, श्वेता कटगेरी, प्रतिक्षा वेळीप, गृषा वेळीप आनी श्रेया गांवकार हांचो आस्पाव आशिल्लो. अण्डर 17 चल्यांच्या पंगडांत मॅकलिन फर्नांडीस, सलोनी बेनके, तृषा शिरवंत, मधुरा कुंभार आनी सोनल नायक हांणी शाळेचें प्रतिनिधित्व केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
