भांगरभूंय | प्रतिनिधी
ऋषिकेश, खबरां संस्था ः दिसपट्टे जिणेंत योग आपणायल्यार शारिरीक भलायकी सुदारताच पूण मानसीक समतोल आनी आध्यात्मिक जागृताय निर्माण करपाकय ताची मजत जाता. आयच्या व्यास्त जिणें पद्दतीत योग हो एक प्रभावी उपाय म्हूण सिद्ध जावपाक लागला. देखूनच भलायकी, ध्यान आनी आत्मसाक्षात्कारा खातीर तो म्हत्वाचो मानतात. योग ही फकत पुर्विल्ली परंपरा उरुंक ना, ती संवसारीक भलायकी चळवळ जाल्या. फाटल्या कांय वर्सांत योगगुरू बाबा रामदेव हांचे पतंजली कंपनीन शारिरीक, मानसीक आनी आध्यात्मिक भलायके खातीर लाखांनी लोकांचें लक्षय योगा कडेन ओडून घेतलां. पतंजलींच्या मतान मनशाच्या कुडींत, मनांत आनी आत्म्या मदीं समतोल निर्माण करप हें योगाचें मुखेल ध्येय आसता.
पतंजलीं वरवीं योग कार्यशाळा…
पतंजली योग फावंडेशन सारकिल्ल्यो संस्था पुर्विल्ली परंपरा आधुनीक जिणे पद्दतींत आस्पावपाक वावुरतात. उत्तराखंडांतल्या ऋषिकेश ह्या योग नगरींत आशिल्ली ही संस्था योग आनी आयुर्वेदांतल्यान समग्र भलायकी दिवपाचो यत्न करता. हांगा वेगवेगळे प्रकारचे योग सत्रां आनी कार्यशाळा घडोवन हाडटात. खासा करून ताण, हुस्को आनी हेर जिणे पद्दती संबंदीत समस्यांनी ग्रस्त आशिल्ल्यांक उपचारात्मक योग फायदेशीर आसता. तातूंत आसन, प्राणायम, ध्यान आनी सुशेग तंत्रांचो उपेग करतात.
योगा विशीं जागृताय
भारतांत योगाक नेटान लोकप्रियता मेळपाक लागल्या आनी ताका फकत एक पुर्विल्ली पद्दत न्हय तर आधुनिक जिणे पद्दतीचो एक भाग म्हूण मान्यताय मेळपाक लागल्या. सरकार, भलायकी संस्था आनी पतंजली सोडल्यार जायत्यो खाजगी संस्थाय हे विशीं जागृताय करपाक सक्रीयपणान योगदान दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
