भांगरभूंय | प्रतिनिधी
मुख्यमंत्री डॉ. सावंत हांणी भाजपच्या स्थापना दिसा हुबयलो बावटो
दिवचल: भाजपच्या ४६ व्या स्थापन दिसा निमतान मुख्यमंत्री डॉ. प्रमोद सावंत हांणी आपल्या बंगल्याचेर पक्षाचो बावटो हुबयलो. ‘विकसीत भारत, विकसीत गोंय’ हे मोहिमे खाला सेवा समर्पण भावनेन राज्याची उदरगत वेगान सुरू आशिल्ल्यान भारतीय जनता पक्ष हो संवसारांतलो सगल्यांत व्हड पक्ष म्हणून आयज नेटान देशाची धुरा सक्षमपणान सांबाळटा अशें मुख्यमंत्री प्रमोद सावंत हांणी सांगलें.
दिवचलचो स्थापना दीस सांखळे, दिवचल, मयें मतदार संघांत कार्यकर्त्यांनी तशेंच मुख्यमंत्री डॉ. सावंत, आमदार प्रेमेंद्र शेट, आमदार डॉ. चंद्रकांत शेट्ये भारतीय जनता पक्षाचे कार्यकर्ते हांचे हाजेरींत विवीध सुवतांचेर भाजपाचो बावटो हुबयलो. तशेंच घराघरांनी भाजपाचो जयजयकार केलो.
मुख्यमंत्री सावंत हांणी भाजपाचे कार्यकर्ते ही पक्षाची तांक आशिल्ल्यान तांच्या बळारूच आयज पुराय भारतभर भाजपाचो बावटो हुबयला. प्रधानमंत्री नरेंद्र मोदी हांच्या मार्गदर्शना खाला आयज भारत संवसारीक पांवड्यार महासत्ताचे दिकेन चलता. तातूंत कार्यकर्त्यांची ही व्हड शक्त आशिल्ल्याचें मुख्यमंत्री सावंत हांणी सांगलें.
सांखळे मतदारसंघांतल्याल जायत्या कार्यकर्त्यांनी विंगड विंगड सुवातोंर पक्षाचो बावटो हुबोवन जयजयकार केलो.
ह्या निमतान येवपी कांय दीस विवीध कार्यावळी आयोजीत केल्यात. येवपी कांय दीस विवीध कार्यावळी आयोजीत केल्यात. घर चलो अभियान सेवा उपक्रम हाचे वांगडाच जायत्या कार्यावळींचें आयोजन केलां.
येवपी विधानसभा वेंचणुके खातीर २७ मध्ये २७ उमेदवारा परस चड अधीक आमदार निवडून हाडपाचो संकल्प मुख्यमंत्री प्रदेश अध्यक्ष, आनी कार्यकर्त्यांनी केला. भारतीय जनता पक्ष सक्षमपणान २०२७ वर्सा पुराय भोवमतान जैतिवंत जातलो असो दावो करतना आतां पसुनच आमी कामाक लागिल्ल्याचें स्पश्ट केलें, अशें प्रेमेंद्र शेट हांणी स्पश्ट केलें.
आमदार शेट्ये हांणी भारतीय जनता पक्षाक आपलें पुराय फाटबळ आसा. तांचे बरोबरीन आपूण पक्षाच्या कार्यांत वाटो घेतिल्ल्यान कार्यकर्त्यांचो उत्साही दांडगो आसा. भारतीय जनता पक्षान देशाक वैभवाच्या पावड्यार पावयलां. हाका लागून हो पक्ष खर्या अर्थान सर्वसामान्य जनतेक न्याय दिवपी पक्ष थारला, अशें तांणी म्हणलें.
भाजप कार्यकर्त्यांचे हाजेरींत आयज दिवचले मतदारसंघांत जायत्या सुवातांचेर हुबयिल्ल्याचें डॉ. शेट्ये तशेंच भारतीय जनता पक्षाचे मंडळ अध्यक्ष डॉ. कौस्तुभ पाटणेकार हांणी सांगलें. ह्या वेळार नगराध्यक्ष विजयकुमार नाटेकार, वल्लभ साळकार तशेंच नगरसेवक कार्यकर्ते हजर आशिल्ले.
साखळे आपल्या बंगल्याचेर भाजप स्थापना दिसा बावटो हुबयतना मुख्यमंत्री डॉ. प्रमोद सावंत आनी हेर मानेस्त हजर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
