भांगरभूंय | प्रतिनिधी
नवी दिल्ली, खबरां संस्था : भारतीय दूरसंचार नियामक प्राधिकरणान (TRAI) भारतांतल्या व्हडल्या दुरसंचार कंपनींचेर कारवाय केल्या. देशभरांतले फोन वापरकर्ते बनावट कॉलांक लागून वाजेल्यात. ट्रायान जायते फावट दुरसंचार कंपनींक अशे कॉल्स थांबोवपाची शिटकावणी दिल्ली. मात कंपनीं तशें करपाक अपेशी थारल्यो. दुरसंचार नेमान आतां मेरेन ह्या कंपनींक ११० कोटी रुपयांचो दंड दिला. अनवळखी नंबरवयल्यान येवपी बनावट कॉल भारतांतली एक व्हड समस्या जावन आसा.
TRAI न परत परत टेलिकॉम कंपन्यांक गरजे भायले कॉल्स आडावपाक पावलां उखलपाक सांगलां. कांय विपणन कंपनी टेलीमार्केटिंग क्रमांकां बदला सामान्य फोन नंबरां वरवीं संपर्क सादतात. लोकांक दिसता हो एक वळखीचो कॉल म्हणून. मात प्रत्यक्षांत हे बनावट टेलीमार्केटिंग नंबर आसतात. सध्या टेलिकॉम ऑपरेटर अशा कॉल्सांचेर पुरायेन नियंत्रण दवरपाक अपेशी थारलां.
दुरसंचार कंपनींक तांच्या चुकींचो फटको सोंसचो पडला. तांचेर आतां मेरेन ११० कोटी रुपयांचो दंड घाला. देशांत तीन व्हड टेलिकॉम कंपनी आसात. जातूंत रिलायन्स जिओ, भारती एअरटेल आनी वोडाफोन-आयडिया (Vi) हांचो आसपाव आसा.
तशेंच सरकारी दूरसंचार कंपनी भारत संचार निगम लिमिटेड (बीएसएनएल) वापरपी जायते जाण आसात. खंयचे टेलिकॉम कंपनीक कितलो दंड दिला हें आजूनय स्पश्ट जावंक ना.
खर कारवाय करून ट्रायन ७४,००० परस चड मोबायल फोनांचें कनेक्शन तोडलां. मात, तरीय लोकांक ना जाल्ल्या कॉलांचो त्रास जाताच. सदांच येवपी नाका जाल्ल्या कॉलांचो आंकडो सुमार २० लाखां परस चड आसा. मजगतीं, दूरसंचार नियामक प्राधिकरणान सुमार ८ लाख दूरसंचारकर्त्यांची आवटगोइंग सेवा मर्यादीत केल्या.
TRAI न ११ लाखां परस चड टेलीमार्केटांक नोटीस धाडल्या. तेन्ना २ लाख क्रमांकांचेर आउटगोइंग सेवा ६ महिन्यां मेरेन मर्यादीत केली. स्पॅम कॉल्स आडावपाक आर्टिफिशियल इंटेलिजन्स (एआय) वापरता.
AI वरवीं ३० लाख एसएमएस शीर्षलेख काडल्यात आनी सुमार २ लाख एसएमएस टेम्पलेट्स काडल्यात. जर तुमकांय बनावट आनी नाका जाल्ल्या कॉल्सांचो त्रास जाता जाल्यार ट्रायच्या TRAI DND 3.0 (डू नॉट डिस्टर्ब) चेर नक्कीच कागाळ करात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
