भांगरभूंय | प्रतिनिधी
येरादारी विभागाची विशेश मोहीम २ जुलय सावन ५ जुलय मेरेन
पणजी : राज्यांत येरादारी शिस्त आनी रस्तो सुरक्षा नेम मोडप्यां खातीर येरादारी विभागान विशेश मोहीम हातांत घेतल्या. २ जुलय सावन ५ जुलय २०२५ मेरेन सदांच सकाळीं ९ ते १ आनी सांजेवेळार ४ ते ६ ह्या वेळार ही मोहीम राबयतले. ह्या काळांत येरादारी नेम मोडपी वाहन चालकां आड खर कारवाय करतले, अशी म्हायती येरादारी पुलीस अधीक्षक प्रबोध शिरवयकार हांणी दिली.
हे मोहिमे खाला, परवानो नाशिल्ले वाहनचालक, नेण्टे चालक, हॅमेट घालिनाशिल्ले, दुचाकीचेर चड प्रवासी घेवपी, मोबायलाचेर उलयत वाहन चलोवपी, वेगमर्यादा हुपपी, मॉडिफायड सायलन्सर वापरपी, खाजगी वाहनां वेवसायीक वापरा खातीर दिवपी, नो-एंट्री झोनां प्रवेश करपी, चुकीचे पद्धतीन वाहन पार्क करपी आनी सिग्नल तोडप्यांचेर लक्ष दवरतले.
हे कारवाये मजगतीं, पुलीस अधिकार्यांक बॉडी कॅमेरे वापरप सक्तीचें आसतलें, सगल्या कारवायांचे व्हिडियो रेकॉर्डिंग करून ते दैनीक अहवालांत नमूद करप गरजेचें. पुलीस निरीक्षकांक प्रत्यक्ष क्षेत्रांत रावन कारवाय करपाचे आदेश दिल्यात, संबंदीत विभागीय पुलीस उपअधीक्षकांक पुराय मोहिमेचेर लक्ष दवरपाचे निर्देश दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
