भांगरभूंय | प्रतिनिधी
म्हापशेंः येता त्या पांच वर्सांत जाय ती उदरगत करून म्हापशें शाराचो कायापालट करून विरोधकांक उलोवपाची संद दिवचो आनी अशें म्हापशें मतदारसंघाचो आमदार आनी उपसभापती जोशुआ डिसोझा हांणी सांगलां. म्हापशें भाजपा उत्तर गोंय जिल्हो कार्यालयांत प्रदेश भाजपा अध्यक्ष सदानंद शेट तानावडे हांचे हस्तुकीं भोवमान करतकूच जोशुआ उलयतालो.
ह्या वेळार म्हापशें पालिक मंडळ नगराध्यक्ष शुभांगी वायंगणकार, आदलो आमदार सिद्धार्थ कुंकळ्ळेका, सुशांत हरमलकार, रुपेश कामत, श्रीकृष्ण पोकळे, राजसिंह राणे हाजीर आशिल्ले. हालींच आमी तार न्हंयेचेर पूल उबारला, नवो आंतरराज्य बसस्टॅण्ड सुरु जाला. जमनी पोंदच्यान वीज केबल्स घालपाचें काम सुरू आसा. रवींद्र भवनाचो प्रश्न मार्गाक लायतले अशी म्हायती तांणी दिली.
हुतात्मा चौक तें आसगांव मजगतीच्य रस्ताचें रुंदीकरण करपाची लोकांची मागणी आसा ती पुराय करतले. उदरगतीचीं काम करतना जायत्या जाणाक दुखोवचें पडटा. मात शाराची उदरगत करपा खातीर खर निर्णय घेवचें पडटात अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
