भांगरभूंय | प्रतिनिधी
नवी दिल्ली, खबरां संस्था ः डिजिटल वेव्हार पद्दतीन पेमेंट करप सगळीच पसंत करतात. कॅशलेस वेव्हाराक चालना दिवपा खातीर यूपीआय सुरू केले. आनी यूपीआय वरवीं वेव्हार करप सगळ्यांकूच सोंपें जाले. यूपीआय, गूगल पे, फोन पे वापरप्यांचो आंकडो बरोच वाडलो. जून 2024 वर्सा युनिफायड पेमेंट सिस्टम म्हळ्यार यूपीआय वरवीं 1,389 कोटी वेव्हार जाले. ह्या काळांत वट्ट 2,007 लाख कोटी रुपया हस्तांतरीत जाले. वर्सुकी आदाराचेर वेव्हारांचो आंकडो 49 टक्क्यांनी वाडला.
तेच बरोबर ताचे वरवीं हस्तांतरीत केल्ले रक्कमेत 36 टक्क्यांनी वाड जाल्या. एक वर्स आदीं म्हळ्यार जून 2023 वर्सा 934 कोटी वेव्हारांतल्यान 14.75 लाख कोटी रुपयांचे वेव्हार जाल्ले. त्याच वेळार फाटल्या म्हयन्यांचे तुळेंत वेव्हारांचो आंकडो 1 टक्क्यांनी उणो जावन हस्तांतरीत केल्ली रक्कम 2 टक्क्यांनी उणी जाला.
मे 2024 वर्सा यूपीआय वरवीं 1,404 कोटी वेव्हार जाले, आनी तांतूतल्यान 20.45 लाख कोटी रुपयांची रक्कम हस्तांतरीत जाली. नॅशनल पेमेंट्स कॉर्पोरेशन ऑफ इंडियान (एनपीसीआय) हे वेव्हाराचे आंकडे जाहीर केल्यात.
यूपीआय एनसीपीआय वरवीं चलता
भारतांतली आरटीजीएस आनी एनईएफटी फारीकणी पद्दत आरबीआय कडल्यान चलता. आयएमपीएस, रुपे, यूपीआय सारकिल्ल्यो प्रणाली भारतीय नॅशनल पेमेंट्स कॉर्पोरेशन (एनपीसीआय) वरवीं चलतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
