भांगरभूंय | प्रतिनिधी
भांगरभूंय । प्रतिनिधी
केंपेंः कुडचडें हांगच्या युवा स्वराज खेळ आनी सांस्कृतीक क्लबाक काणकोण हांगा जाल्ल्या आदर्श युवा संघाच्या लोकोत्सवांत उत्कृश्ट सामाजीक आनी सांस्कृतीक संस्था म्हणून भोवमानीत केलें. सहकार मंत्री सुभाष शिरोडकार, सभापती रमेश तवडकार हांचे हस्तुकीं क्लबाचो अध्यक्ष प्रतिक वस्त हाणे व्हो पुरस्कार स्विकारलो. हे पुरस्कार भेटवण कार्यावळी वेळार मुरगांवचो आमदार संकल्प आमोणकार, नावेलीचो आमदार उल्हास तुयेंकार, आदलो उपमुख्यमंत्री चंद्रकांत (बाबू) कवळेकार आनी हेर मानेस्त हाजीर आशिल्ले.
युवा स्वराज क्लब फाटल्या धा वर्सां सावन कुडचडें वाठारांत शिक्षणीक, सांस्कृतीक, सामाजीक आनी खेळा मळार वावुरता. रानां महोत्सव, दांडिया आनी गरबा कार्यशाळा, कोवीड तेपार लोकांक अर्थीक मजत, अखील गोंय नाच सर्त, आरती सर्त, वैजकी शिबिरां क्लब आयोजीत करीत आसता. क्लबाक आयएसओ प्रमाणपत्र फावो जालां. क्लबाच्या वावराची दखल घेवंन नेहरू युवक केंद्र, सांगें-केपें पत्रकार संघ, जय संतोषी मात ट्रस्ट आनी हेर संस्थांनी तांका भोवमानीत केलां.
क्लबाच अध्यक्ष प्रतिक वस्त हाणे क्लबाचे पदाधिकारी आनी वांगड्या वतीन पुरस्कार स्विकारलो. कल्बाच्या वावराची दखल घेवंन आदर्श युवा संघान आमचो जो मान दिला तो आमच्या सारक्या तरणाट्यांक काम करपाक उर्बां दिवपी आसा. आदर्श युवा संघाचो सर्वेसर्वा रमेश तवडकार आनी संघाचे पदाधिकारी हाचें आमी उपकारी आसात अशें वस्त हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
