भांगरभूंय | प्रतिनिधी
पुस्तकां वाचपी नासत अशें फाटल्या सप्तकांत हांवें युरोपथी विशींच्या लेखांत बरयल्लें. म्हजो अदमास चुकलो, युरोपथीक वाचपीय मेळ्ळे. देश- विदेशांत युरोपथी करपीय आसात. नवीं पुस्तकां तांच्या अणभवांतल्यान प्रसिद्ध जाल्यां आसतलीं.
‘विखुरिल्लीं पानां’ ह्या म्हज्या स्तंभावरी युरोपथीचेर साठा वयर लेख बरोवचेंना हेंय लिखाण सुरु करचे आदींच संपादप्यांक कळयल्लें. दिसाळ्याचो वाचपी एकाच विशयावेल्या लिखाणान बेजारूंक जायना हाची जाणवीकाय म्हाका आसा. माफ करात, युरोपथी माळेंतलो हो निमणो लेख. म्हज्या लिखाणाची भास कोंकणी, लिपी देवनागरी, कांय इंग्लीश उतरां येतात. रंग, रुप बदल्लें तरी गोंयची राजभास, मायभास कोंकणी, लिपी देवनागरी हें आत्र्या पयऱ्यान सांगपाची गरज ना. राजभाशेक, तेच लिपीक आमी व्हड करतले जाल्यार लिखाणय वेगळे पद्दतीन, विंगड विंगड विशयांचेर जावपाक जाय. मुखेल करून आरोग्याचेर.
स्वमूत्र 25 वर्सां घेतिल्ली स्वयंपूर्णा अस्तुरी ब्रेस्ट कॅन्सरमुक्त जावंक शकता अशी म्हायती डॉ.जी के ठक्कर हांणी ‘वंडर्स ऑफ युरोपथी’ पुस्तकांत दिल्या. ब्रेस्ट कॅन्सराचेर अॅलोपथी, आयुर्वेदांत वखदां आसात. ब्रेस्ट कॅन्सराचें वखद घेत शंभर वर्सां वयर जियेवपी अस्तुरी आशिल्ली. वीस वर्सां हांतरुणार काडपीय आसतले.
जॉन डब्ल्यू आर्मस्ट्राँग हांचे ‘वॉटर ऑफ लायफ’ हें पुस्तक गोंयकारां कडेन आसत व्हय? ते गोंयांतल्या परिशदेक आयिल्ले. आदले प्रधानमंत्री मोरारजी देसाय हांकां भारतरत्न मेळपाक युरोपथी एक कारण आसतलें. शिवांबूचेर अभ्यास करुन तांणी गिन्यान मेळयलें, कण दुसऱ्याक दिले. रावजीभाई पटेल हांचें मानव मूत्र हें पुस्तक स. रावजीभाई पटेल हांणी बरयल्लें. ते सुटकेझुजारी, राष्ट्रपिता महात्मा गांधीजींच्या सांगातांतले. युरोपथींतल्यान दमो, काळीज, गोडेंमूत आनी हेर दुयेंसांतल्यान आपूण बरो जालो अशी म्हायती तांणी पुस्तकांत दिल्या. रावजीभाईंचे पुस्तक मूळ गुजराती. इंग्लीश, हिन्दी, कन्नड भाशेंतल्यान पुस्तकाचे अणकार जाल्यात ही म्हायती ‘वंडर्स ऑफ युरोपथी’ पुस्तकांत आसा.
माऊंट एवरेस्ट चडपाचो यत्न करपी स मावरीस विल्सन हांचें आंग युरोपथी खातीर भेरावपापासून वाटावलें, तिबेटी लामा युरोपथीचे भक्त ही म्हायती वंडर्स ऑफ युरोपथींतली. अमेरिकेंतल्या मार्था ख्रिस्ती हे अस्तुरेन बरयल्ल्या पुस्तकाक नामना मेळ्ळ्या. वंडर्स ऑफ युरोपथी ह्या पुस्तकांत मार्थाविशी सांगतना 30 वर्सां त्यो दुयेंती म्हणून जियेल्यो, तांचेर कितलेशेच फावट सर्जरी जाली, लाखांनी रुपयांचो खर्च जाल्लो. घराब्यांतल्यान धांवडावपाचें तितलें उरील्लें. मार्गी आदेलमान हांच्या पुस्तकांतल्यान मेळिल्ल्या गिन्यानाचो उपेग करुन दुयेंसाचेर जैत तांणी मेळयलें. “ तुमचें स्वतःचें अचूक वखद” ह्या तांच्या पुस्तकाची संवसारान तोखणाय केल्या.
शिवांबू उपायांतल्यान लुकसाण जावचें ना, जाल्यार लाव. परतून एकदां लेखांत विश्वास, इत्साशक्तीच्या बळग्याचेर युरोपथी तुमी करुन पळयात. एका दिसान तुमी निवळचेना, वेळ लागतलो हें सांगतां. 1995 वर्सा आनी उपरांतय वंडर्स ऑफ युरोपथी हें पुस्तक सुदारीत रुपांत प्रसिद्ध जालें. शिवांबू साधना संवसारांत पावोवपी डॉ.ठक्कर हांणी गोंयांतय शिवांबूच्या साधकांक एकठांय हाडिल्ले. मडगांवांतले डॉ. डी. एस. पी. तिरोडकार हांचें नांव पुस्तकांत आसा. पिंपळा पेडार, लोहिया मैदानार बसून मडगांवकारांक शिवांबूची दीक्षा उलोवपांतल्यान तांणी दिल्या आसतलीच.
ऋषी, मुनी, संतांच्या तेंपार शिवांबूचो उपेगय जाला, जेवण खाणाबगर तप करपी ऋषींक स्वमूत्रान बळ दिलें. वंडर्स ऑफ युरोपथींत ती म्हायती आसा. कॅन्सरावरी दुयेंसाचेर संशोधनातल्यान वखदां, इंजेसावां बाजारांत हाडटल्यांनी युरोपथीचो अभ्यास केला व्हय? कोविडाच्या तेंपार आयिल्ल्या इंजेसावां करपी कंपन्यो (भारतांतल्यो, संवसारांतल्यो) युरोपथीक पयस कशो दवरतल्यो? मजगतीं बोवाळ जाल्लो, प्रयोगांक आतां नेट आयला आसतलो.
विज्ञान धांवता, विज्ञानयुगांत सैमाक म्हत्व येता. युरोपथीचे पांच लेख वाचप्यांमुखार दवरतना समाजहीत हीच मोख आसा. चुकोय जाल्या आसात, सुदारुया, वेगळेतरेन मेळुया युरोपथीचेर.
सुहासिनी प्रभुगांवकार
9881099260
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
