युरिक ॲसिड उणें करपा खातीर ‘ही’ फळां खायात
भांगरभूंय | प्रतिनिधी
युरिक ॲसिड हें कुडींतल्या प्युरीन आशिल्ल्या अन्न पदार्थांच्या चयापचयाच्या वेळार तयार जावपी कोयर. युरिक ॲसिडाची पातळी वाडल्यार ताचे क्रिस्टल्स सांध्यांत जमपाक लागतात आनी ताका लागून दुखप, सुज येवप सारक्यो समस्या जातात. चड काळ युरिक ॲसिडची पातळी वाडल्यार संधिवात, सांधे सुजप, हालचाल करपाक त्रास जावप सारकिल्यो समस्या जावंक शकतात. तशेंच हे क्रिस्टल्स मूत्रपिंडांत जमून किडनी स्टोन तयार जावंक शकतात. देखून आहारांत योग्य बदल करप आनी नेमान कांय फळां खावप हें युरिक ॲसिडचे प्रमाण नियंत्रीत करपाक खूब उपेगी थारता.
सांधे दुखप आनी स्नायू दुखप आसल्यार कांय खाशेलीं फळां खावचीं. दर दिसा कांय फळां खाल्यार संधिवाताची वेदना नियंत्रीत करपाक मजत जाता. तुमच्या आहारांतलीं कांय खाणां टाळून आनी कांय फळां खाल्यार वाडिल्ल्या युरिक ॲसिडाचेर सहज नियंत्रण दवरूं येता. युरिक ॲसिड वाडिल्ल्यान ताचे क्रिस्टल्स सांध्यांत जमपाक लागतात आनी हाडां वांकपाक लागतात. युरिक ॲसिड उणें करपा खातीर ह्या पांच फळांचो तुमच्या आहारांत आस्पाव करात.
आपोल
युरिक ॲसिड उणें करपा खातीर आपोल हें एक फायदेशीर फळ. आपोलांत आशिल्लें मॅलिक ॲसिड युरिक ॲसिड निश्क्रीय करता आनी तें कुडींतल्यान काडून उडोवपाक मजत करता. आपोल सोलून खावचे बदला साली सयत खाल्यार चड तंतू मेळटा, जाका लागून पचन क्रिया सुदारता आनी दाह उणो जाता. दर दिसा एक आपोल खाल्यार सांधिवात सारकिल्ल्या दुयेंसांतल्यानय आराम मेळटा.
चेरी
चेरींत बळिश्ट अँटीऑक्सिडंट्स अँथोसायनिन आसता, जे दाह उणो करता आनी युरिक ॲसिडची पातळी उणी करपाक मजत करता. हाका लागून सांधिवात जावपाचो धोको उणो जावं येता. दिसाक 10 चेरी खाल्यार सांधिवात जावपाचो धोको सुमार 35 टक्क्यांनी उणो जाता अशें संशोधनांतल्यान दिसून आयलां.
अनस
अनसांतल्या एन्झाइम ब्रोमेनलनांत खाशेलें दाहक विरोधी गुणधर्म आसता. ताका लागून सांध्यांचो दाह उणो जाता आनी सांधिवाताची वेदना उणी जाता. तशेंच पचन आनी चयापचय सुदारून कुडींतल्यान युरिक ॲसिड काडपाक मजत करता.
केळीं
केळींत पोटॅशियम भरपूर प्रमाणांत आसता. कुडींतल्या युरिक ॲसिडची पातळी सैमीक रितीन उणी करपाक मजत करता. हाका लागून मुतांतल्यान युरिक ॲसिड भायर सरपाची प्रक्रिया सोंपी जाता. तशेंच तातूंत व्हिटॅमिन सी भरपूर आसता. हाका लागून सांधिवात जावपाचो धोको उणो जाता आनी दाह उणो जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
