युरिक अॅसिड नियंत्रणांत दवरपाक….

भांगरभूंय | प्रतिनिधी

कॉलेस्ट्रोल उपरांत आनीक एक गंभीर दुयेंस म्हळ्यार युरिक अॅसिड. कुडींत युरिक अॅसिड वाडल्यार संधिवात जाता. हो कुडींत तयार जावपी विखारी पदार्थ मुत्रपिंडांतल्यान गाळून मुतांतल्यान सहज भायर सरता. खरी समस्या म्हळ्यार युरिक अॅसिड कुडींतल्यान भायर सरप. प्युरीन अन्न पदार्थ चड खाल्यार रगतांत युरिक अॅसिडाची पातळी वाडटा आनी क्रिस्टलाचेंय प्रमाण वाडटा. हे क्रिस्टल्स सांध्यांत जमा जातात आनी खूब दुखतात. इतलेंच न्हय, तांकां लागून दुयेंतींक उबे रावपाक आनी बसपाकय कठीण जाता. पांयांचीं बोटां, तळवे दुखपाक लागतात.
एम्साचे आदले सल्लागार आनी शौल हार्ट सेंटराचे संस्थापक आनी संचालक डॉ. बिमल झांजर हांणी, ज्या लोकांक युरिक अॅसिड चड प्रमाणांत आसता तांणी आहारांत व्हिटॅमिन सी आनी फायबर भरपूर आशिल्लें अन्न खावचें अशें सांगलें. पोशणशास्त्रज्ञांच्या मतान कांय खाणां खाल्यार युरिक अॅसिडाची पातळी नियंत्रणांत दवरपाक आदार जाता.
ज्या लोकां मदीं तें चड प्रमाणांत आसता तांकां जेवणांत पाचवीं पानां आशिल्ली भाजी, दुदी आनी ब्रोकोली खावची पडटा. ह्या भाजयांनी फायबर भरपूर आसता. तशेंच स्प्रावट्स आनी कॅप्सिकम सारकिल्ल्या कांय भाजयांनी व्हिटॅमिन सी भरपूर प्रमाणांत आशिल्ल्यो भाजयो युरिक अॅसिड नियंत्रणांत दवरपाक मदत करता.
हीं फळां खायात!
व्हिटॅमिन सी भरपूर प्रमाणांत आशिल्लीं चेरी आनी किवी खाल्यार युरिक अॅसिडाची पातळी नियंत्रीत करपाक फायद्याची थारता. ह्या फळांत व्हिटॅमिन सी, व्हिटॅमिन ई आनी फोलेट आसता जें कुडींत जमिल्लें युरिक अॅसिडाचें प्रमाण काडून उडयता.
तुपमिरयां खावप
ज्या लोकांक युरिक अॅसिडाची समस्या आसा तांणी तुपमिरयां खावप. तुममिरयां भरपूर वखदी आसता. एका पेल्यांत तुपमिरयां घालून तीं उकडचीं आनी तें उदक गाळून पिवचें. हें उदक तुमकां 10 दिसां भितर युरिक ऍसिड नियंत्रणांत हाडपाक मजत करतलें.
हीं पेयां पियात
युरिक अॅसिड हो दुयेंस ह्या दिसांनी चड करून दर एका घरांत सांपडटा. पिरायेच्या 40 वर्सां उपरांत जावपी हो दुयेंस आतां ल्हान पिरायेचेर जावपाक लागला. युरिक अॅसिड वाडल्यार सांध्यांमदीं खूब खर दुखता. जायत्या जाणांक मनगटां, पांयाच्या घोंट्याक आनी पांयाच्या बोटांनी दुखता. हाचे मुखेल कारण म्हळ्यार युरिक अॅसिडाचे प्रमाण.
चड काळ युरिक अॅसिडाचेर नियंत्रण दवरूंक ना जाल्यार किडनीचें लुकसाण जावंक शकता. आमी जे कितें खातात ताका लागून कुडींत युरिक अॅसिड तयार जाता. मूत्रपिंड हें अॅसिड फिल्टर करता आनी कुडींतल्यान काडून उडयता. मूत्रपिंडांक युरिक अॅसिड फिल्टर करपाक मेळना जाल्यार कुडींत तें वाडटा. ताची पातळी 7.0 मिग्रॅ/ डीएल परस चड जाल्यार पांयाच्या घोंट्याक खर दुखप आनी हात- पांयांत दुखप आनी हातां-पांयांक मुंयो येवंक शकता. कांय जाणांचे पांय सुजतात आनी मूत्रपिंडांत किडनी स्टोन सारके समस्या निर्माण जातात.
दुदयाचो रोस
दुदयाच्या रोसांत पोटॅशियम, कॅल्शियम, सोडियम, लोखण आनी फॉस्फरस भरपूर प्रमाणांत आसता. हें पेय घेतल्यार युरिक अॅसिडाची पातळी नियंत्रणांत उरता. हो रोस करपाक एक दुदी घेवन ताचे ल्हान कुडके करून ज्युसरांत घालून रोस तयार करात. ह्या रोसांत तुमी रुची प्रमाण मीठ आनी भाजिल्लें जिरें घालूंक शकतात. युरिक अॅसिडाची पातळी चड आशिल्ल्या लोकांनी आहारांत लिंबाचें उदक, सफरचंदाचो व्हिनेगर, चेरीचो रोस, काळींग आनी तवश्यांचो रोस पियेवचो. हे रोस रोगप्रतिकार शक्त घटमूट करतात.
सेलरीचो रोस
सेलरींत ओमेगा- 3 फॅटी अॅसिड भरपूर आशिल्ल्यान युरिक अॅसिड नियंत्रीत करपाक फायद्याचे थारता. सेलरींत जायते वखदी गुणधर्म आसतात आनी ताका लागून गॅस, अॅसिडिटी आनी अपचन हांचेपसून आराम मेळटा. तुमचें युरिक अॅसिड नियंत्रणांत दवरपा खातीर दर दिसा सेलरीचो रोस पियेवचो. सेलरीचें उदक तयार करपाक एक चमचो सेलरी उदकांत रातभर भिजत दवरचें आनी सकाळीं तें गाळून पियेवचें.
तुळस, सुंठ आनी गोड खावचें
4- 5 तुळशीचीं पानां आनी गोडाचो ल्हानसो कुडको घेवन हें पेय तयार करचें. पयलीं तुळशीचीं पानां ल्हान करुन तातूंत गोड घालून बरें वाटून घेवचें. अँटीऑक्सिडेंट गुणधर्म आशिल्ल्या सुक्या आल्याचो कुडको ल्हान करुन तांतूत घालात उपरांत एक पेलो उदकांत मिक्स करुन तें पियेवचो. सकाळीं आनी सांजवेळार हें खाशेलें पेय घेवचें हाका लागून तुमचें युरिक अॅसिड नियंत्रणांत उरतलें.
एलोवेराचो रोस
आयुर्वेद तज्ञ आनी योगगुरू बाबा रामदेव हांच्या मतान युरिक अॅसिड वाडपाचेर नियंत्रण दवरपा खातीर एलोवेराचो रोस पियेवचो. दर दिसा उपाशी पोटाचेर एक इंडियन गूसबेरी खावप आनी एलोवेराचो रोसय पियेवचो हाका लागून दुखण्यांतल्यान सुटका मेळटली.
एलोवेरा रोसांत दाहक गुणधर्म भरपूर आसतात आनी ताका लागून हाडां घट जातात. हें पेय घेतल्यार सांध्यांच्या दुखण्यांतल्यान सुटका मेळटा.