भांगरभूंय | प्रतिनिधी
आयज १० राज्यांनी वादळ आनी पावसाची शक्यताय
नवी दिल्ली, खबरां संस्था: देशांत हवामानाचो दोट्टी फटको चालूच आसा. एके कडेन खर उश्णताय आसा, जाल्यार दुसरे कडेन वादळ आनी पावस. १० एप्रिला उत्तर प्रदेश-बिहारांत वादळाक लागून ७३ जणांक मरण आयलें. हांतल्या ५९ जाणांक बिहाराक मरण आनी १४ जाणांक उत्तर प्रदेशाक मरण आयलें.
हवामान खात्याच्या म्हणण्या प्रमाण, शुक्राराय जम्मू-काश्मीर, उत्तराखंड, हिमाचल प्रदेश, बिहार, झारखंड, ओडिशा, केरळ, तामिळनाडू, आसाम, मेघालयाक ४०-५० किमी वेगान दर वराक वादळी वारें व्हावपाक शकता. वीज पडपाचीय सुचवणी आसा. तशेंच घोग्यांनी पावसाची शक्यताय आसा. बिरेस्तारा उत्तराखंडांतल्या चमोली हांगा ढग फुटले.
देशांतूय खर उश्णताय चालूच आसा. बिरेस्तारा चडश्या राज्यांनी दिसाचें तापमान ३५ अंश सेल्सिअस हुपलें. राजस्थानच्या बारमेर हांगा सल्यांत चड ४४.३ अंश सेल्सिअस तापमानाची नोंद जाली. आजूय दिल्ली, हरियाणा, पंजाब, राजस्थान, महाराष्ट्र, गुजरात, ओडिशा आनी उत्तर प्रदेशांत पारो ३५ अंश सेल्सिअस परस चड उरतलो. राजस्थान -गुजरातांत तो ४०-४३ डिग्री सेल्सीयस मेरेन वचपाक शकता. दिल्लीकूय पारो ४० अंश सेल्सिअसच्या लागीं रावपाची शक्यताय आसा.
हवामान खात्याच्या म्हणण्या प्रमाण, राजस्थानांतल्या जैसलमेर-बाडमेर, गुजरातांतल्या सौराष्ट्र-कच्छ, पश्चीम उत्तर प्रदेश, हरियाणा, पंजाब, पुराय दिल्ली-एनसीआरांत उश्णतायेचें ल्हार आसतलें. मध्यप्रदेशांत ३० जिल्ह्यांनी उश्णतायेच्या ल्हाराची शिटकावणी दिल्या. दक्षीणेंतल्या राज्यांत उश्णतायेच्या ल्हारा खातीर ऑरेंज अलर्ट दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
