भांगरभूंय | प्रतिनिधी
युपीआय सुरक्षीत करपा खातीर एनपीसीआयचो निर्णय
नवी दिल्ली, खबरां संस्था ः युनिफायड पेमेंट्स इंटरफेस म्हळ्यार यूपीआयन फाटल्या कांय वर्सांत देशांतल्या अर्थीक विनिमयाचे चित्र बदललां. पूण युपीआय आयडी वापरप्यांनी पेमेंटा खातीर वापरूंक ना जाल्यार तो बंद करतले अशें केंद्र सरकारान स्पश्ट केलां. हे संबंदी 7 नोव्हेंबराक अधिसुचोवणी जारी केली.
31 डिसेंबर 2023 मेरेन खंयचोय आयडी सक्रिय ना वा एक फावट लेगीत वापरूंक ना जाल्यार 1 जानेवारी 2024 सावन तो डीॲक्टिव्ह करतले, अशें नॅशनल पेमेंट कॉर्पोरेशन ऑफ इंडियान (एनपीसीआय) स्पश्ट केलां. एनपीसीआयन युपीआय अजून चड सुरक्षीत करपा खातीर हो निर्णय घेतला.
नॅशनल पेमेंट कॉर्पोरेशन ऑफ इंडियान जारी केल्ल्या मार्गदर्शक तत्वां प्रमाण वापरप्यान पुराय वर्साक एक फावट लेगीत गूगल पे, पेटीएम वा फोनपे सारकिल्या अॅपा वरवीं खंयच्याय प्रकारचो अर्थीक वा बिगर अर्थीक वेव्हार केल्लो ना जाल्यार तांचो यूपीआय आयडी डीॲक्टिव्ह जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
