भांगरभूंय | प्रतिनिधी
मुंबय, खबरां संस्था ः युनेस्कोच्या संवसारीक दायज स्थळांत महाराष्ट्रांतल्या 11 किल्ल्या सयत तमिळनाडूच्या एका किल्ल्याचो आसपाव जालां. छत्रपती शिवाजी महारांच्या वट्ट 12 किल्ल्यांचो आसपाव युनेस्कोच्या संवसारीक दायज स्थळांत जाला. हे सगळे किल्ले सतराव्या ते एकुणिसाव्या शेंकड्यां मदीं बांदिल्ले.
महाराष्ट्रांतल्या 11 किल्ल्या मदीं साल्हेर किल्लो, शिवनेरी, लोहगड, खांदेरी किल्लो, रायगड, राजगड, प्रतापगड, सुवर्णदुर्ग, पन्हाळा, विजयदुर्ग, सिंधुदुर्ग हांचो आसपाव आसा. जाल्यार तमिळनाडूतल्या जिंजी किल्ल्याचो आसपाव आसा.
पॅरिसांत जाल्ले युनेस्कोच्या 47व्या बसकेंत ही वळेरी जाहीर केली. हाका लागून मराठा इतिहासाक आनी दायजाक आंतरराश्ट्रीय मान्यताय मेळ्ळ्या. आतां भारतांतल्या वट्ट 44 दायज थळांचो संवसारीक दायज वळेरेंत आस्पाव जाला.
युनेस्कोच्या वळेरेंत भारताचें नांव
फाटल्या तीन म्हयन्यांत भारताचें नांव युनेस्कोचे वळेरेंत आस्पावपाची ही दुसरी खेपेची गजाल. 18 एप्रिलाक युनेस्कोन श्रीमद् भागवत गीता आनी भरत मुनीचें नाट्यशास्त्र हांचो आसपाव आपल्या मेमरी ऑफ द वर्ल्ड रजिस्टरांत केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
