भांगरभूंय | प्रतिनिधी
भांगरभूंय । प्रतिनिधी
काणकोणः युनियन बँकेच्या पुणे, महाराष्ट्र आनी गोंय एससी आनी एसटी कामगार संघटने वतीन छत्रपती शिवाजी म्हाराज, महात्मा ज्योतिबा फुले आनी डॉ बाबासाहेब आंबेडकर हांची जोड जयंती मनयली. ही कार्यावळ गांवडोंगरी पंचायत सभाघरांत जाली.
कार्यावळीक पैंगीणची जिल्हो पंचायत वांगडी शोभना वेळीप, गांवडोंगरी पंचायत मंडळाची उपसरपंच सलोनी गांवकार, पंच सरिता गांवकार, आनंद गांवकार, स्वयंपूर्ण इश्ट विनायक वळवयकार, बँकेचे वेवसाय अधिकारी प्रशांत वझे, सरवेवस्थापक साहिल कुमार, कामगार संघटनेचो वरिश्ठ उपाध्यक्ष प्रकार आगरवडेकार, बबन रेडकार, संजय तलवार, कार्यकार समिती वांगडी चिमट गांवकार, दिगंबर परवार, पालवी सरचिटणीस उल्हास गांवकार, कृष्णा पेडणेकार, प्रशांत वेळीप आनी कुयरो वेळीप हाजीर आशिल्ले
सगल्या मानेस्तांनी व्हडल्या व्यक्तिमत्वांच्या फोट्यांक फुलां हार घातले. प्रकाश आगरवेडकारान येवकार दिलो. गांवडोंगरी पंचायत वाठारांतल्या शंबर विद्यार्थ्यांक कामगार संघटना आनी युनियन बँके वतीन शाळेय बॅगांचें वाटप केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
