भांगरभूंय | प्रतिनिधी
पदवी मेळयले उपरांत सरकारी नोकरी सोदपी उमेदवारांक एक बरी खबर आसा. युनियन बँक ऑफ इंडियान अप्रेंटिस पदांची भरती करपा खातीर अधिसुचोवणी जाहीर केल्या. ह्या पदां खातीर अर्ज करपाची प्रक्रिया २८ ऑगस्ट सावन सुरू जाल्या. उमेदवारांनी बँक वेबसायट unionbankofindia.co.in हाका भेट दिवन १७ सप्टेंबर २०२४ मेरेन अर्ज करूं येता.
बँकेन वट्ट ५०० अप्रेंटिस पदांची भरती करपा खातीर जायरात जाहीर केल्या. हे खातीर खंयच्याय राज्यांतल्या उमेदवारांक अर्ज करपाक मेळटात. उमेदवारांक फकत आपल्या मूळ राज्यांत भरती खातीर अर्ज करपाक मेळटले.
अर्ज करपी उमेदवार खंयच्याय मान्यताय मेळिल्ल्या विद्यापिठांतल्यान खंयच्याय विशयांत पदवीधर आसूंक जाय. उमेदवाराची पिराय २० ते २८ वर्सां मजगतीं आसपाक जाय. १ ऑगस्ट २०२४ सावन पिराय मेजतले. चडांत चड पिराय सदळसाण ओबीसी वर्गांतल्या उमेदवारांक ३ वर्सां, अनुसूचित जाती आनी अनुसूचित जमातीच्या उमेदवारांक ५ वर्सां आनी पीडब्ल्यूडी वर्गांतल्या उमेदवारांक १० वर्सां दितले.
युनियन बँक ऑफ इंडिया भरती २०२४ खातीर अर्ज कसो करचो
पयलीं बँकेचे वेबसायटीक unionbankofindia.co.in भेट दियात.
होम पेजीच्या तळाक आशिल्ल्या रिक्रूटमेंट टॅबार क्लिक करात.
आतां Apprentice Apply लिंकाचेर क्लिक करात.
म्हत्वाची म्हाती घालात आनी शिक्षणीक कागदपत्रां अपलोड करात.
अर्ज फी भरात आनी सबमीट करात.
अर्जदारांची निवड लेखी चांचणे वरवीं जातली. हे परिक्षेंत १०० गूण घेवन वट्ट १०० प्रस्न विचारतले. परिक्षा सीटीबी मोडांत आसतली आनी वेळ १२० मिनटांचो आसतलो. यशस्वी उमेदवारांक वैजकी तपासणे खातीर आपयतले. निमाणी निवड योग्यताये प्रमाण जातली. चड म्हायती खातीर बँकेन जारी केल्ले भरती जायरातीचो संदर्भ घेवंक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
