भांगरभूंय | प्रतिनिधी
जायत्या जाणांक नेटफ्लिक्साचेर वेब मालिका वा सिनेमा पळोवपाक आवडटात. पूण अर्थीक कारणांक लागून जायत्या जाणांचो इत्साभंग जाता. आतां नेटफ्लिक्सान अशा वापरप्यांक आकर्शीत करपा खातीर उपाय काडल्यात. गिरायकांक बेगीनूच नेटफ्लिक्साचेर फुकट कंटेंटची मजा घेवपाक मेळटली. पूण ते खातीर एक अट आसा. हो फॅन्सी प्लॅन कितें, गिरायकांक कसो ताचो फायदो जातलो? हे विशीं आयज जाणून वया.
म्हारग नेटफ्लिक्स येवजणे पसून आतां युजर्सची सुटका जातली. हे खातीर कंपनी बाजारांत फुकट सबस्क्रिप्शन मॉडेल हाडटा. तें युट्युबाचे धर्तरेर काम करतलें. पूण नेटफ्लिक्स युट्युबा सारकें कशें काम करतलें तें अजून कळूंक ना. युट्युबा सारकी फुकट सेवा दिवपा खातीर नेटफ्लिक्साचेर जायरातींचो बॉम्बस्फोट जातलो.कंटेंट पळयतना ह्यो जायराती विचलित करपी आसतल्यो.
फुकट प्लॅनाक टाटा
ब्लूमबर्गच्या अहवाला प्रमाण, युरोप आनी आशियांतल्या वापरप्यां खातीर कंपनी असो फॅन्सी प्लॅन सुरू करपाच्या विचारांत आसा. म्हळ्यार ही येवजण कशी आसतली हाचे विशीं कंपनीन कसलीच म्हायती दिवंक ना. नेटफ्लिक्सान ही येवजण भारतांत हाडली जाल्यार वापरप्यांक आपले आवडीचे शो आनी सिनेमा पळोवपाक पयशे खर्च करचे पडचे नात. तुमकां कंटेंट पळोवंक मेळटलो, मात जायरातीं सयत.
भारतांतले प्लान
सध्या भारतांत नेटफ्लिक्सच्या सगळ्यांत सवाय मोबायल प्लॅनाची किंमत १४९ रुपया आसा. नेटफ्लिक्सचें प्रिमियम मंथली सब्सक्रिप्शनाची किंमत ६४९ रुपयां मेरेन आसा. फुडाराक जर नेटफ्लिक्स जायरातींच्या आधारार फुकट येवजण घेवन आयल्यार युझर्सचो व्हड फायदो जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
