भांगरभूंय | प्रतिनिधी
कंपाला, खबरां संस्था: आवय जावपाक पिरायेची मर्यादा आसता. पूण भुरग्यांची जतनाय घेवपा खातीर पिरायेची मर्यादा ना अशें आमी खूबदां आयकतात. पूण, युगांडाचे एके बायलेन आवय जावपाची पिरायेची मर्यादाय मोडल्या. सफीना नामुकवाया हे युगांडाचे एके बायलेन ७० वर्सां पिरायेचेर जुंवळ्या भुरग्यांक जल्म दिवन सगळ्यांक अजापीत केलां. आतां ती आफ्रिकन देशांतली सगळ्यांत जाण्टी आवय थारल्या.
जल्माक येवपी भुरग्यांमदीं एक चलो आनी एक चली हांचो आस्पाव आसा. हे प्रसुती उपरांत भुरगीं आनी आवय तिगांय निरोगी आसात. युगांडाची राजधानी कंपालांतल्या एका हॉस्पिटलांत सफीना नमुकवाया हिणें सिजेरियन पद्दतीन जुंवळ्या भुरग्यांक जल्म दिलो. वैजकी मळांतले तज्ञ लेगीत हे अद्भुत जल्म घडणुकेक अजापीत जाल्यात.
वुमेन्स हॉस्पिटल इंटरनॅशनल ऍण्ड फर्टिलिटी सेंटरचे संस्थापक डॉ. एडवर्ड तामाले साली हांणी ह्या अद्भुत गुरवारपणाचेर आनी प्रसुतीचें पर्यवेक्षण केलें. सध्या आवय आनी भुरगीं दोतोरांच्या देखरेखी खाला आसात अशें तांणी सांगलें. दोतोरांचो पंगड ताचे अवस्थेचेर नदर दवरता. आतां सगळें बरें चल्लां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
