यकृताचें लुकसाण जावपाचो धोको दिसता? ‘ह्या’ खाणांचो करात आहारांत आस्पाव…
भांगरभूंय | प्रतिनिधी
कुडीक निरोगी दवरपाक यकृताचे खूब म्हत्व आसा. यकृत डिटॉक्सिफाय करता आनी कुडींतली सगळी घाण काडून उडोवपाक मजत करता. कुडीचे कार्य सुरळीत उरपाक यकृताची मुखेल भुमिका आसता आनी देखून ताका निरोगी दवरप आनी ताची जतनाय घेवप ही आमची जापसालदारकी. हार्मोनांचें नियंत्रण करप, रगतांतली साकर नियंत्रीत करप, केटोन्स तयार करप आनी पचन करपाक मजत करप हें ताचें काम. देखूनच कुडीच्या ह्या म्हत्वाच्या अवयवांची जतनाय घेवप खूब गरजेचें. अयोग्य आहार, चड पिवप आनी आनुवंशिक कारणांक लागून यकृताची समस्या वाडूंक शकता. आहारांत आनी जिणे पद्दतींत योग्य बदल करून आमी आमच्या यकृताचे भलायकेची जतनाय घेवंक शकतात. यकृत निरोगी आनी घटमूट दवरपा खातीर सदांच योग्य आहार निवडप म्हत्वाचें. शेळे आनी इबाडिल्ले अन्न खाल्यार यकृताचें लुकसाण जावं येता.
यकृत निरोगी दवरपाक पोशक आहार…
१. लिंबूवर्गीय फळां
व्हिटॅमिन सी आनी अँटीऑक्सिडंटांनी भरिल्ली द्राक्षां, संत्रां आनी लिंबू सारकिल्ल्या फळांत यकृत निवळ करपाची सैमीक तांक आसता. तांकां लागून एंझायम वाडटात; जे कुडींतल्यान कार्सिनोजन आनी हेर विखारी पदार्थ काडपाक मजत करता.
२. लसूण
लसूणांत सेलेनियम आनी अँटीऑक्सिडेंट गुणधर्म भरपूर आसतात. जें यकृतांतल्यान विखारी पदार्थ भायर काडटा. दर दिसा एक लसणाचे कुडको खाल्यार फायद्याचें थारूंक शकता.
३. ब्रोकोली
ब्रोकोली आहारांतल्या तंतू, पॅन्टोथेनिक अॅसिड, जीवनसत्व अ, बी 1, बी 6 आनी ई, मँगनीज, फॉस्फरस, कोलीन, पोटॅशियम, तांबें, मॅग्नेशियम, ओमेगा-3 फॅटी अॅसिड, प्रथिनां, जस्त, कॅल्शियम, लोखण, नियासीन आनी सेलेनियम हांचो भरपूर प्रमाणांत आस्पाव आसा. ब्रोकोली, कोबी आनी फ्लॉवर सारकिल्ल्यो क्रूसिफेरस भाजयो सेवन केल्यार भलायकेक फायदेशीर आसता. ह्यो भाजयो यकृताकय निरोगी दवरता. ह्यो भाजयो खाल्यार यकृत डिटॉक्स जाता.
४. कॉफी
दर दिसा दोन कप कॉफी पियेल्यार यकृताचे दुयेंस आशिल्ल्या लोकांक यकृत सिऱ्होसिस आनी यकृत कॅन्सर जावपाचो धोको उणो जाता अशें एका अभ्यासांतल्यान दिसून आयलां. अभ्यासा प्रमाण यकृत सिऱ्होसिस जावपाचो धोको 44 टक्क्यांनी उणो जाव येता.
५. काजू
ओमेगा-3 फॅटी अॅसिडांचो भरपूर स्रोत आशिल्ल्यान नट्स यकृत निवळ करपाक मजत करता. पूण काजू गिळचे पयलीं तोंडांत बारीक जायसर चाबप म्हत्वाचें.
६. आपोल
आपोलांत पेक्टन भरपूर प्रमाणांत आसता. ताका लागून कुडीच्या डिटॉक्सिफिकेशन जावपाक मजत जाता. हाका लागून आपोल खावप म्हत्वाचें.
७. ऑलिव्ह तेल
ऑलिव्ह तेल वापरल्यार यकृतांतली चरबी उणी करपाक, रगत प्रवाह वाडोवपाक आनी यकृतांतल्या एन्झाइम्सची पातळी सुदारपाक मजत जाता.
८. पाचव्यो भाजयो
पाचव्या पानांची भाजी दिसपट्ट्या आहारांत आसपावपाक जाय. तातूंत पोटॅशियम, मॅग्नेशियम आनी मँगनीज हांचो आस्पाव आसता. ते कुडींतले विखारी पदार्थ काडून उडोवपाक आनी यकृत निरोगी दवरपाक मजत करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
