भांगरभूंय | प्रतिनिधी
फाटल्या कांय वर्सांत यकृताच्या दुयेंसांत बरीच वाड जाल्या. फॅटी लिव्हर, लिव्हर सिरोसीस आनी लिव्हर फेल्युअरच्या केसींनी लक्षणीय वाड जाल्या. यकृताच्या दुयेंसां वांगडाच काळजाचे दुयेंसूय वाडत आसा. ह्या रोगांक आळो हाडपाक सगळ्यांत म्हत्वाची गजाल म्हळ्यार वेळार तांचो सोद लागप. ह्या रोगाचें वेळार निदान करपा खातीर चांचणी करप खूब गरजेचें आसता. अशीच एक चांचणी म्हळ्यार एसजीपीटी चांचणी. ही एक चांचणी जी यकृत तशेंच काळजाच्यो दुयेंसाचो सोद घेवपाक शकता.
एसजीपीटीक सीरम ग्लूटामिक पायरुविक ट्रान्समिनेज अशेंय म्हणटात. हो एक प्रकारचो यकृत एंझायम. कुडींत एसजीपीटीची पातळी कितली आसता? हें यकृताची भलायकी दाखयता. एसजीपीटी चांचणे खातीर कुडींतले रगताचे नमुने घेतात. हे चांचणेंतल्यान कुडींतल्या एसजीपीटीची पातळी मेजतात. एसजीपीटी श्रेणी ७ ते ५५ च्या मजगतीं आसची. हाचे परस चड वा उणी आसल्यार ताचो अर्थ यकृत इबाडला.
चुकीची खावपाची संवय, मोटसाण, चड सोरो पियेवप आनी अस्वस्थ जिणे पद्दत कुडींत एसजीपीटीची पातळी वाडोवंक शकता. तेभायर पित्ताशयाची दाह आनी हिपेटायटीसची लागण जाल्यारय एसजीपीटी वाडूंक शकता. तशेंच हिपेटायटीसचीं लक्षणां दिसपी लोकां खातीर दोतोर एसजीपीटी चांचणी करतात. चांचणेंतली एसजीपीटी पातळी ५५ परस चड आसल्यार यकृताची भलायकी बरी ना असो अर्थ जाता.
तुमच्या काळजाची भलायकी एसजीपीटी चांचणे वरवींय कळटा. एसजीपीटी ५५ परस चड आसल्यार फुडल्या पांच ते सात वर्सांत काळजाची भलायकी इबाडपाचीं लक्षणां दिसतात. अशे स्थितींत एसजीपीटीच्या पातळेचेर नियंत्रण दवरपाची गरज आसा.
कशें नियंत्रण दवरप
तुमच्या आहाराची जतनाय घेयात
दर दिसा पाऊण वर तरी व्यायाम करचो
वजन नियंत्रणांत दवरचें
फास्ट फूड, भायलें खाण खावं नाकात
मैदो खावचो न्हय
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
