भांगरभूंय | प्रतिनिधी
“पात्राम, बडे काजू झाड पर मधुमख्खी घर बनाया हैं। हम काजू जमीन साफ कर रहा था तब मालूम पडा “….आमच्या बिहारी मानायांनी येतना म्होंवाच्या मुसांच्या पोळ्याचो क्लीक मारून हाडिल्लो.
” अंधेरा होनेके बाद गाॅंव मे हम निकालते हैं। आग लगाके मधुमख्खी को भगानेका. आग को वह डरते हैं। बाद मे शहद का भाकरी (पोळें) निकालनेका।
आनी सांजवेळा आंगभर कपडे बांदून आनी माडाच्या चुट्टांच्या उजवडांत ते आमच्या काजू बागायतींत गेले. रातची आठ णव वरां जाय मेरेन आमच्या काजू बागायतीच्या दोंगुल्ले वेल्यान बिहारी मानायांचे एकमेकांक मारिल्ले कुकारे, उलो रातींचो काळोख चिरत आमच्या घरा मेरेन आयकूंक यतालो.
काजूंचो सीजन लागीं पाविल्ल्यान बागायती होडसूच्यो पडटात. पयली व्हड वा मध्यम आकाराची पावसांत वाडिल्ली रानवटी झाडा कोयतेन कापची पडटात. ताचे उपरांत ग्रास कटरान सगळी बागायत निवळ केल्ली वता. हाका गांवगिरे भाशेंत काजू बेणप म्हणटात.
बागायत होडशितनां (निवळ करतनां) काजूच्या झाडार हुमकळता ते सुंदर अशे म्होंवाळ पोळे बिहारी मानायांक दिश्टी पडले जे जमनीर तेंकिल्ले आसा.
मनीस मनशांचेर विस्वास दवरनात. पूण हांगा मधमाशांनी मनशांचेर पुराय विस्वास दवरला आनी दीस रात घाम गाळून काजूच्या झाडाचेर ते पोळें घडयला.
थोड्या व्हड व्हड बिल्डिंगांनी एका कोनशाक ही पोळी बांदिल्ली दिश्टी पडटात. मधमाशी एप्रील मे म्हयन्यांत आपली पोळी बांदतात. पूण पावसांत यो वच करपाक आडमेळी येतात म्हणून गिमांत ह्या पोळ्यांनी पुरुमेंत केल्ले खाण तांचे कडल्यान पावसांत वापरले वता.
पूण एक दीस तांच्याय विश्वासाचाे घात जातलो आनी त्या पोळ्यांतल्यान काडिल्ले म्होंव बाजारांत पावतले.
मनीस, आपल्या सुवार्था खातीर ते पोळे एक दिसा लासतले…. पयशा खातीर !!
मनशा फाटोफाट ह्या मधमाशांचो रानांतले अस्वल हो एक दुस्मान. अस्वलाक दाट केस आशिल्ल्यान अस्वला जेन्ना म्होंवाचे पोळें खावपाक वता तेन्ना मधमाशांनी केल्ल्या हल्ल्याचो अस्वलांचेर कांयच परिणाम जायना.
एकनाथ सामंत
9226219723
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
