भांगरभूंय | प्रतिनिधी
ईदाक घेतल्यो ईएमआयचेर बोकड्यो
कराची, खबरां संस्था: आमचो शेजारी पाकिस्तान भारताक कमीपणां दाखोवपाची एकूय संद सोडिना. पाकिस्तान पुरस्कृत आतंकवादी भारतांत घुसून हल्ले करतात. मजगतीं, पाकिस्तानाची अर्थीक परिस्थिती बरी ना. देशाक फारीक करपाक जावचें ना इतलें रीण आसा. म्हारगायूय वाडतूच आसा. आयज ईद. म्हारगायेक लागून नागरिकांक बोकड्यो विकत्यो घेवप कठीण जालां.
पाकिस्तानी ईदाच्या दिसा बोकड्यांचो बळी दिवपाक बोकड्यो विकत्यो घेवपाक धडपडटात. हाचे वयल्यान पाकिस्तानांत म्हारगाय कितली वाडल्या हाचो अदमास काडूं येता. कराचींत आशिल्ल्या सगळ्यांत व्हडल्या गोरवांच्या बाजारांतूय हो परिणाम दिसता. थंय लोक बळी दिवपाचीं जनावरां विकतीं घेवपाक येतात. मात मोल आयकून आयिल्ले तशे परतून वतात. फाटल्या वर्साचे तुळेंत पाकिस्तानांत हे खेपे बकरी ईद दिसा बोकड्यांचे आनी हेर जनावरांचो दर तीन पटींनी चड आसा. म्हारगाय इतली वाडल्या की ईदाक तांकां हप्त्यांनी बोकड्यो घेवच्यो पडल्यो.
रिणाचो भार
पाकिस्तानांतली चलनवाडीची परिस्थिती कितली वायट आसा हाचे पुरावे मुखार आयल्यात. शेजारच्या देशांतल्या नागरिकांक बोकड्यो विकत्यो घेवप परवडना. हाचे खातीर ते ईएमआयचेर बोकड्यो घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
